Oktyabrın 23-də Avropa Liqasının (AL) əsas mərhələsində 3-cü turun oyunları keçirildi. Cümə axşamı 18 oyunun həyəcanı yaşandı.

"Football-plus.az" xəbər verir ki, AL-in yeni mövsümünün ilk iki turu 7 komanda üçün əla alınmışdı. Hər iki oyunda qalib gələn “Dinamo” (Zaqreb), “Midtüllann”, “Aston Villa”, “Braqa”, “Lion”, “Lill” və “Portu” turnir cədvəlində şərikli liderliyə nail olmuşdular. 3-cü turda bu klublardan üçü qələbə seriyasını davam etdirə bildi. “Dinamo”, “Aston Villa”, “Lill” və “Portu” ilk dəfə budrədi. “Midtüllann”, “Braqa” və “Lion” isə növbəti oyunlarını da qalib başa vuraraq şərikli liderliklərini davam etdirdilər.

“Midtüllann” topların daha yaxşı fərqinə (+6) əsasən 1-ci yerin sahibidi. Danimarka klubu cümə axşamı məlum səbəbdən neytral meydanda - Serbiyanın Baçka Topola şəhərində keçirilən oyunda “Makkabi”ni (Təl-Əviv) 3:0 hesabıyla məğlub etdi.

“Braqa” Portuqaliyada “Srvena Zvezda”ya, “Lion” isə Fransada “Bazel”ə 2:0 hesabı ilə qalib gələrək uğurlu seriyanı davam etdirdilər.

Turun diqqəti daha çox cəlb edən nəticələri sırasında “Aston Villa”nın “Qou Ehed İqls”ə uduzmasını ilk növbədə qeyd edək. Turnirin favoritlərinin siyahısında göstərilən İngiltərə klubu Niderlandda hesabı erkən açsa da, hər hissədə bir qol buraxaraq uduzdu. Qonaqların yarımmüdafiəçisi Buendiyanın 79-cu dəqiqədə penaltidən yararlana bilməməsi ev sahiblərinin 2:1 hesablı qələbəsinə şərait yaratdı.

İngiltərənin turnirdəki digər təmsilçisi “Nottingem Forest” isə turu uğurlu nəticə ilə başa vurdu. Xatırladaq ki, 2-ci turda öz meydanında “Midtüllann”a uduzan (2:3) komandanın çalışdırıcısı Angelos Postekoğlu son 100 ildə nottingemlilərin başında ilk 6 rəsmi oyunda qələbə qazana bilməyən ilk məşqçi kimi tarixə düşmüşdü. Çox keçmədən istefaya göndərilən avstraliyalının yerini tutan Şon Dayçın yeni komandasındakı debütü uğurlu alındı: “Nottingem Forest”evdə “Portu”ya bu mövsüm bütün turnirlərdə ilk məğlubiyyətin (0:2) acısını yaşatdı.

“Portu” kimi AL-in liqa mərhələsinə ardıcıl iki qələbə ilə başlayan “Lill” də büdrədi. Fransa komandası evdə turun ən məhsuldar oyununda PAOK-a 3:4 hesabıyla məğlub oldu. İlk iki turda maksimum nəticə göstərən “Dinamo” (Zaqreb) isə İsveçdə “Malmö”yə məğlubiyyətdən son saniyələrdə qaça bildi - 1:1.

“Roma”nın növbəti uğursuzluğu da vurğulanmalıdı. İlk turda Fransada “Nitsa”nı 2:1 hesabıyla məğlub etməklə AL-də (UEFA Kubokunda) qələbələrinin sayını 98-ə çatdıraraq yeni rekord müəyyənləşdirən paytaxt komandası növbəti oyunda evdə “Lill”dən bir top buraxmaqla avrokuboklarda 36 ildən sonra mövsümün ilk ev oyununda məğlub olmuşdu. Can Pyero Qasperininin komandası bu dəfə İtaliyanın paytaxtında “Viktoriya”ya (Plzen) 1:2 hesabıyla uduzdu. “Roma”nın 2011-ci ildən sonra ilk dəfə bütün turnirlərdə evdə ardıcıl 3 oyunda məğlub olduğunu da qeyd edək.

Digər matçlara gəlincə, “Utrext”i 2:0 hesabıyla məğlub etməsi “Frayburq” üçün əlamətdar oldu. Belə ki, “ağ-qaralar” AL-də ardıcıl 6 ev oyununda qalib gəlməklə Almaniya klubları üçün rekord müəyyən etdilər.

3-cü turun yalnız bir oyununda qol qeydə alınmadı: “Genk” – “Betis” dueli başladığı hesabla sona çatdı. Xatırladaq ki, bundan əvvəl 1-ci turun
PAOK – “Makkabi” (Təl-Əviv) matçında qapılara qol vurulmamışdı.

Hesabat turunda “Feyenoord” və “Malmö” ilk xallarını qazandılar. 4 komanda - “Nitsa”, “Reyncers”, “Utrext” və “Zaltsburq” isə bütün oyunlarını məğlub başa vurublar.

liqa mərhələsi, 3-cü tur
Lion (Fransa) - Bazel (İsveçrə) 2:0
Tolisso, 3. Moreyra, 90.
Lion: Qreyf, Meytlend-Nayls (Klyuvert, 72), Nyakate, Mata, Abner Vinisius, Tolisso (Şults, 79), Tessman (Morton, 46), De Karvalyo, Mera (Moreyra, 79), Fofana (Karabets, 72), Satriano.

Roma (İtaliya) - Viktoriya (Plzen, Çexiya) 1:2
Dibala, 54-p. – Adu, 20. Suare, 22.
Roma: Svilar, Ermoso, Mançini, Çelik (Beyli, 67), Uesli Fransa, Zelkovski (Əl-Şaaravi, 30), Əl-Aynaui, Kone (Pizilli, 46), Dibala, Sule (Ndika, 74), Dovbik (E.Ferqyuson, 74).

Frayburq (Almaniya) - Utrext (Niderland) 2:0
Sudzuki, 20. Qrifo, 45.
Frayburq: Atubolu, Ginter, Troy, Linxart, Günter, Eqqeştayn, Beste (Dinkçi, 52), Sudzuki (Rozenfelder, 75), Manzambi (Höfler, 66), Qrifo (Şerhant, 71), Adamu (Matanoviç, 66).

Selta (İspaniya) - Nitsa (Fransa) 2:1
Aspas, 2. Opponq, 75-öz qapısına – Şo, 16.
Selta: Radu, Alonso, Starfelt, Manu Fernandes, Karreyra (Minqesa, 71), Beltran (Sotelo, 71), Roman, Alvares (İqlesias, 46), Aspas, P.Duran (Rueda, 66), Saraqosa (Servi, 78).

Qou Ehed İqls (Niderland) - Aston Villa (İngiltərə) 2:1
Süre, 42. Deyl, 61 – Qessan, 4.
Aston Villa: E.Martines, Maatsen, Pau Torres, Minqs, Lindelöf (Rocers, 66), Boqard (Makqinn, 76), Onana (Keş, 66), Sanço (Kamara, 66), Buendiya, Uotkins (Malen, 66), Qessan.

Lill (Fransa) - PAOK (Yunanıstan) 3:4
Andre, 57. İqman, 68; 78 – Meyte, 18. Jivkoviç, 23; 74. Konstantelias, 42.
Lill: Özər, Verdonk, Tyaqo Santuş (Menye, 46), Mandi, Nqoy (Mbemba, 46), Andre, Raquber (Buaddi, 61), Korreya (Jiru, 61), Sahraui (Haraldsson, 88), Fernandes-Pardo, İqman.

Genk (Belçika) - Betis (İspaniya) 0:0
Betis: Valyes, Rodriges, Qomes, Bartra, Ruibal, Deossa (Fornals, 63), Lo Çelso (Avila, 77), Altimira, Rikelme (Ezzalzuli, 63), Bakambyu (Ernandes, 77), Antoni (Pablo Qarsiya, 46).

Nottingem Forest (İngiltərə) - Portu (Portuqaliya) 2:0
Gibs-Uayt, 19-p. İqor Jezus, 77-p.
Nottingem Forest: Sels, N.Uilyams, Milenkoviç, Murilyo, Zinçenko (Savona, 45+1), E.Anderson (İ.Sanqare, 90+3), Duqlas Luis (Yeyts, 85), Gibbs-Uayt, Hadson-Odoi, İqor Jezus, Ndoy.

FKSB (Rumıniya) - Bolonya (İtaliya) 1:2
Bırlica, 54 - Odqor, 9. Dallinqa, 12.
Bolonya: Skorupski, Likoyannis, Heggem (Vitik, 46) Lukumi, Zortea (Holm, 67), Fröyler, Rou (Kambyaqi, 46), Moro (L.Ferqyuson, 77), Odqor, Orsolini (Bernardeski, 85), Dallinqa.

Zaltsburq (Avstriya) - Ferentsvaroş (Macarıstan) 2:3
Baydu, 13. Vertessen, 72 - B.Varqa, 50. Zahariassen, 56. Yusuf, 58.

Fənərbaxça (Türkiyə) - Ştutqart (Almaniya) 1:0
Aktürkoğlu, 34-p.

Braqa (Portuqaliya) - Srvena Zvezda (Serbiya) 2:0
Navarro, 22. Dorjeles, 72.

Brann (Norveç) - Reyncers (Şotlandiya) 3:0
Kornviq, 40. Serensen, 55. Holm, 79.

Feyenoord (Niderland) - Panatinaikos (Yunanıstan) 3:1
Rid, 45+3. Hac-Mussa, 54. Lerin, 90 - Sviderski, 18.

Yanq Boyz (İsveçrə) - Ludoqorets (Bolqarıstan) 3:2
Ravelusun, 45. Fassnaxt, 53. Bediya, 63-p. – Staniç, 26. İ.Yordanov, 90+2.

Seltik (Şotlandiya) - Şturm (Avstriya) 2:1
Skeyls, 61. Nüqren, 64 – Horvat, 15.

Makkabi (Təl-Əviv, İsrail) - Midtüllann (Danimarka) 0:3
Cu, 44; 84. Billinq, 71.

Malmö (İsveç) - Dinamo (Xorvatiya) 1:1
Levitski, 45+1 – Varela, 90+6.

1. Midtüllann 3 3 0 0 8-2 9
2. Braqa 3 3 0 0 5-0 9
3. Lion 3 3 0 0 5-0 9
4. Dinamo 3 2 1 0 7-3 7
5. Viktoriya P 3 2 1 0 6-2 7
6. Frayburq 3 2 1 0 5-2 7
7. Ferentsvaroş 3 2 1 0 5-3 7
8. Brann 3 2 0 1 5-2 6
9. Selta 3 2 0 1 6-4 6
10. Aston Villa 3 2 0 1 4-2 6
11. Lill 3 2 0 1 6-5 6
12. Qou Ehed İqls 3 2 0 1 4-3 6
13. Yanq Boyz 3 2 0 1 6-6 6
14. Fənərbaxça 3 2 0 1 4-4 6
15. Portu 3 2 0 1 3-3 6
16. Betis 3 1 2 0 4-2 5
17. Nottingem Forest 3 1 1 1 6-5 4
18. Bolonya 3 1 1 1 3-3 4
19. Genk 3 1 1 1 1-1 4
20. PAOK 3 1 1 1 5-6 4
21. Seltik 3 1 1 1 3-4 4
22. Panatinaikos 3 1 0 2 6-6 3
23. Roma 3 1 0 2 3-4 3
24. Bazel 3 1 0 2 3-4 3
25. Feyenoord 3 1 0 2 3-4 3
26. Ludoqorets 3 1 0 2 4-6 3
27. Şturm 3 1 0 2 3-5 3
28. FKSB 3 1 0 2 2-4 3
29. Ştutqart 3 1 0 2 2-4 3
30. Srvena Zvezda 3 0 1 2 2-5 1
31. Malmö 3 0 1 2 2-6 1
32. Makkabi T-Ə 3 0 1 2 1-6 1
33. Nitsa 3 0 0 3 3-6 0
34. Zaltsburq 3 0 0 3 2-6 0
35. Utrext 3 0 0 3 0-4 0
36. Reyncers 3 0 0 3 1-6 0

Bombardirlər: Aktürkoğlu (Fənərbaxça), Sviderski, Zaruri (hər ikisi “Panatinaikos”), İqman (Lill), İqor Jezus (Nottingem Forest) - 3.

Növbəti turun oyunları noyabrın 6-da keçiriləcək: Zaltsburq – Qou Ehed İqls, Bazel – FKSB, Midtüllann – Seltik, Utrext – Portu, Srvena Zvezda – Lill, Dinamo – Selta, Malmö – Panatinaikos, Nitsa – Frayburq, Şturm – Nottingem Forest, Aston Villa – Makkabi T-Ə, Bolonya – Brann, Viktoriya P - Fənərbaxça, Ferentsvaroş – Ludoqorets, PAOK – Yanq Boyz, Reyncers – Roma, Betis – Lion, Braqa – Genk, Ştutqart – Feyenoord.