Oktyabrın 2-də Avropa Liqasının (AL) əsas mərhələsində 2-ci turun oyunları keçirildi. Cümə axşamı 18 oyunun həyəcanı yaşandı.

"Football-plus az" xəbər verir ki, AL-in yeni mövsümünün ilk iki turu 7 komanda üçün əla alındı.

Hər iki oyunda qalib gələn “Dinamo” (Zaqreb), “Midtüllann”, “Aston Villa”, “Braqa”, “Lion”, “Lill” və “Portu” turnir cədvəlinin şərikli liderləri oldular. Bu klublardan “Dinamo” topların daha yaxşı fərqinə əsasən 1-ci yerin sahibidi.

Xatırladaq ki, Xorvatiya futbolunun flaqmanı ilk turun ev oyununda “Fənərbaxça”ya 3:1 hesabıyla qalib gəlmişdi. Zaqreblilər cümə axşamı “Makkabi”ni (Təl-Əviv) də eyni hesabla məğlub etdilər.

“Midtüllann”ın İngiltərədə “Nottingem Forest”ə qalib gəlməsi (3:2) diqqəti daha çox cəlb edən nəticələrdən oldu. Danimarka klubu britaniyalılara avrokuboklarda təcrübə amilinin vacib olduğunu əyani şəkildə göstərdilər. Angelos Postekoğlu son 100 ildə nottingemlilərin başında ilk 6 rəsmi oyunda qələbə qazana bilməyən ilk məşqçi oldu.

İlk turda Fransada “Nitsa”nı 2:1 hesabıyla məğlub etməklə AL-də (UEFA Kubokunda) qələbələrinin sayını 98-ə çatdıraraq yeni rekord müəyyənləşdirən “Roma”nın evdə Liqa 1-in daha bir təmsilçisinə uduzması da vurğulanmalıdı. Əslində İtaliya klubu “Lill”ə qarşı oyunda heç də zəif təsir bağışlamadı. Paytaxt təmsilçisi qapısında erkən qol gördü. Maraq üçün qeyd edək ki, hesabı açan islandiyalı yarımmüdafiəçi Haraldsson bu yay “Yuventus”a yollanan hücumçu Devidin yoxluğunu hiss etdirmir. Romalılar qalan vaxtda buraxılan qola bir neçə dəfə cavab verə bilərdilər. Ən yaddaqalan epizodda Sulenin 69-cu dəqiqədə penaltini qola çevirə bilməməsi “Lill”in şərikli liderlərin sırasına qoşulmasına şərait yaratdı. “Roma” bununla da avrokuboklarda 36 ildən sonra mövsümün ilk ev oyunundda məğlub oldu.

Digər matçlara gəlincə, şübhəsiz ki, qitənin 5 aparıcı liqasından olan digər komandaların qarşılaşması daha çox maraq doğururdu. Belə duellərdən biri İtaliyada keçirildi. Yerli “Bolonya” “Frayburq”la oyunun ilk yarısını hesabda üstün başa vursa da, Almaniya klubu fasilədən sonra penalti ilə matçın nəticəsini müəyyən etdi - 1:1. Bundesliqanın digər təmsilçisi “Ştutqart” isə İsveçrədə “Bazel”dən iki cavabsız top buraxdı.

İspaniya klubları üçün hesabat turu uğurlu alındı.
“Betis” Bolqarıstanda “Ludoqorets”i 2:0 hesabıyla məğlub etdi. Hesabı açan Lo Çelso Avropaya gəldiyi 2018-ci ildən indiyədək qitə kuboklarında 11-ci qolunu vurdu. Onun ötən 7 ildə argentinalı yarımmüdafiəçilər arasında yalnız 19 qol vuran Di Mariyadan geri qaldığını qeyd edək. “Selta” İspaniyada PAOK-a 3:1 hesabıyla qalib gəldi.
Liqa mərhələsinin 2-ci turunun bütün oyunlarında qol vuruldu. Xatırladaq ki, ilk turda yalnız bir oyunda hesab açılmamış, Yunanıstanda keçirilən PAOK – “Makkabi” (Təl-Əviv) matçında qapılara qol vurulmamışdı. Bu dəfə də yalnız bir oyun tərəflərdən birinin böyükhesablı qələbəsi ilə nəticələndi. “Viktoriya” Plzendə “Malmö”nün qapısından 3 cavabsız top keçirdi. İlk turda “Panatinaikos”un İsveçrədə “Yanq Boyz”u 4:1 hesabı ilə məğlub etdiyini də xatırladaq.

İki turdan sonra 6 komanda - “Nitsa”, “Reyncers”, “Utrext”, “Zaltsburq”, “Feyenoord” və “Malmö” xal qazana bilməyib. “Reyncers”in bütün turnirlərdə səfərdə ardıcıl 22-ci oyunda qələbə qazana bilmədiyini və Qlazqo klubunun 1895-97-ci illərdəki antirekordunu təkrarladığını da qeyd edək.

liqa mərhələsi, 2-ci tur
Feyenoord (Niderland) - Aston Villa (İngiltərə) 0:2
Buendiya, 61. Makqinn, 79.
Aston Villa: E.Martines, Keş (Lindelöff, 86), Konsa, Pau Torres, Maatsen (Din, 77), Qessan, Makqinn (Elliott, 86), Kamara, Rocers, Buendiya (Malen, 71), Uotkins (Boqarde, 71).

Lion (Fransa) - Zaltsburq (Avstriya) 2:0
Satriano, 11. Klyuvert, 57.
Lion: Qreyf, Talyafiko (Meytlend-Nayls, 68), Nyakate, Klinton Mata, De Karvalyo, Tessman (Morton, 68), Tolisso (Mera, 87), Klyuvert, Karabets (Fofana, 68), Satriano (Moleb, 74), Şults.

Roma (İtaliya) - Lill (Fransa) 0:1
Haraldsson, 6.
Roma: Svilar, Ermoso (Mançini, 55), Ndika, Çelik, Uesli Fransa, Kristante (Kone, 69), Əl-Aynaui, Simikas (Rensx, 46), Sule, Pelleqrini (Əl-Şaaravi, 55), E.Ferqyuson (Dovbik, 78).
Lill: Özər, Verdonk (Perro, 69), Mandi, Mbemba, Menye, Sahraui (Mukau, 89), Buaddi, Bentaleb (Andre, 62), Korreya, Jiru (İqman, 62), Haraldsson (Fernandes-Pardo, 62).

Bolonya (İtaliya) - Frayburq (Almaniya) 1:1
Orsolini, 29 – Adamu, 57-p.
Bolonya: Skorupski, Holm, Likoyannis (Miranda, 66), Vitik, Lukumi, Fröyler, L.Ferqyuson (Fabbian, 90+3), Odqor, Kambyaqi (Rou, 77), Orsolini (Bernardeski, 66), Kastro (Dallinqa, 66).
Frayburq: Atubolu, Ginter, Troy, Linxart, Makenqo (Günter, 80), M.Eqqeştayn, Österhaqe, Beste (Dinkçi, 75), Manzambi (Heler, 80), Qrifo (Şerhant, 46), Adamu (Matanoviç, 88).

Ludoqorets (Bolqarıstan) - Betis (İspaniya) 0:2
Lo Çelso, 31. Son, 53-öz qapısına.
Betis: Valyes, Firpo (Rodriges, 57), Qomes, Natan, Ruibal (Ortis, 56), Mark Roka (Amrabat, 76), Lo Çelso (Fornals, 76), Altimira, Rikelme (Ezzalzuli, 67), Bakambyu, Avila.

Bazel (İsveçrə) - Ştutqart (Almaniya) 2:0
Ayeti, 23. Şakiri, 84.
Ştutqart: Nübel, Assinyon (Vaqnoman, 90+3), Jak, R.Hendriks, Mittelştadt, Ştiller, Çema Andres (Əl-Hannus, 69), Levelinq (Fürix, 69), Tomaş, Buanani (L.Yovanoviç, 79), Demiroviç.

Selta (İspaniya) - PAOK (Yunanıstan) 3:1
Aspas, 45+2. İqlesias, 53. Svedberq, 71 – Yakumakis, 37.
Selta: Radu, Alonso, Starfelt, Manu Fernandes, Rueda (X.Rodriges, 83), D.Rodriges, Moriba, Minqesa (Dominges, 67), Aspas (Saraqosa, 74), İqlesias (Cutqla, 54), Svedberq (P.Duran, 74).

Nottingem Forest (İngiltərə) - Midtüllann (Danimarka) 2:3
Ndoy, 22. Vud, 90+3-p. – Diao, 18. Bek, 24. Andreasen, 88.
Nottingem Forest: Sels, Morato, Milenkoviç, Murilyo (Savona, 26), Ndoy, E.Anderson, N.Uilyams, İ.Sanqare, Gibs-Uayt, İqor Jezus (Vud, 75), Hadson-Odoi.

Seltik (Şotlandiya) - Braqa (Portuqaliya) 0:2
Rikardo Orta, 21. Qabri Martines, 85.

Viktoriya (Plzen, Çexiya) - Malmö (İsveç) 3:0
Vıdra, 34. Durosinmi, 44. Spaçil, 53.

Fənərbaxça (Türkiyə) - Nitsa (Fransa) 2:1
Aktürkoğlu, 3; 25 – Karlos, 37-p.
FKSB (Rumıniya) - Yanq Boyz (İsveçrə) 0:2
Monteyro, 11; 36.

Panatinaikos (Yunanıstan) - Qou Ehed İqls (Niderland) 1:2
Sviderski, 55 – Smit, 75; 82.

Brann (Norveç) - Utrext (Niderland) 1:0
S.Maqnusson, 41.

Portu (Portuqaliya) - Srvena Zvezda (Serbiya) 2:1
Villiam Qomes, 8-p. Mora, 89 – Kostov, 33.

Genk (Belçika) - Ferentsvaroş (Macarıstan) 0:1
B.Varqa, 44.

Makkabi (Təl-Əviv, İsrail) - Dinamo (Xorvatiya) 1:3
Abu Farhi, 44 – Lisitsa, 16. Lyubiçiç, 19; 72.

Şturm (Avstriya) - Reyncers (Şotlandiya) 2:1
Horvat, 7. Kiteişvili, 34 – Qassama, 49.

1. Dinamo 2 2 0 0 6-2 6
2. Midtüllann 2 2 0 0 5-2 6
3. Aston Villa 2 2 0 0 3-0 6
4. Braqa 2 2 0 0 3-0 6
5. Lion 2 2 0 0 3-0 6
6. Lill 2 2 0 0 3-1 6
7. Portu 2 2 0 0 3-1 6
8. Viktoriya P 2 1 1 0 4-1 4
9. Betis 2 1 1 0 4-2 4
10. Frayburq 2 1 1 0 3-2 4
11. Ferentsvaroş 2 1 1 0 2-1 4
12. Panatinaikos 2 1 0 1 5-3 3
13. Selta 2 1 0 1 4-3 3
14. Bazel 2 1 0 1 3-2 3
15. Qou Ehed İqls 2 1 0 1 2-2 3
16. Roma 2 1 0 1 2-2 3
17. Brann 2 1 0 1 2-2 3
18. Genk 2 1 0 1 1-1 3
19. Yanq Boyz 2 1 0 1 3-4 3
20. Fənərbaxça 2 1 0 1 3-4 3
21. Ludoqorets 2 1 0 1 2-3 3
22. Ştutqart 2 1 0 1 2-3 3
23. Şturm 2 1 0 1 2-3 3
24. FKSB 2 1 0 1 1-2 3
25. Nottingem Forest 2 0 1 1 4-5 1
26. Srvena Zvezda 2 0 1 1 2-3 1
27. Bolonya 2 0 1 1 1-2 1
28. PAOK 2 0 1 1 1-3 1
29. Seltik 2 0 1 1 1-3 1
30. Makkabi T-Ə 2 0 1 1 1-3 1
31. Nitsa 2 0 0 2 2-4 0
32. Reyncers 2 0 0 2 1-3 0
33. Utrext 2 0 0 2 0-2 0
34. Zaltsburq 2 0 0 2 0-2 0
35. Feyenoord 2 0 0 2 0-3 0
36. Malmö 2 0 0 2 1-5 0

Bombardir: Zaruri (Panatinaikos) - 3.

Növbəti turun oyunları oktyabrın 23-də keçiriləcək: Zaltsburq – Ferentsvaroş, Fənərbaxça – Ştutqart, Feyenoord – Panatinaikos, FKSB – Bolonya, Qou Ehed İqls - Aston Villa, Genk – Betis, Lion – Bazel, Braqa - Srvena Zvezda, Brann – Reyncers, Roma – Viktoriya P, Yanq Boyz – Ludoqorets, Seltik – Şturm, Lill – PAOK, Makkabi T-Ə – Midtüllann, Malmö – Dinamo, Nottingem Forest – Portu, Selta – Nitsa, Frayburq – Utrext.