Noyabrın 28-də Avropa Liqasının (AL) əsas mərhələsində 5-ci tur keçirildi. İlk 4 turda maksimum nəticə göstərən “Latsio”nun qələbə seriyası qırıldı. Vahid liqa mərhələsində xal itirməyən komanda qalmadı və turnir cədvəlində üçhakimiyyətlilik yarandı.

Əsas mərhələdə qələbələri sıralamaqla vahid liderliyə nail olan “Latsio”nun öz meydanında autsayderlərdən sayılan “Ludoqorets”dən yalnız bir xal alması turun ən gözlənilməz nəticələrindən biri oldu. Doğrudu, İtaliya klubu meydana qeyri-optimal heyətlə çıxmışdı. Buna baxmayaraq, romalılar ilk dəqiələrdən aşkar üstün oyun sərgilədilər. Amma rəqibin intizamlı müdafiəsini yarmaqda çətinlik çəkirdilər. Baş məşqçi Marko Baroni fasilədən sonra komandasının 5 aparıcı oyunçusunu mübarizəyə qoşdu. Lakin Bolqarıstanın son çempionu sona qədər qapısını toxunulmaz saxlamağı bacardı. “Latsio” gözlənilməz xal itkisinə baxmayaraq, topların daha yaxşı fərqinə əsasən 1-ci yerdə qaldı.

Tura 10 xalla başlayan komandalardan “Ayaks”, “Qalatasaray” və “Anderlext” də xal itirdi, iki iştirakçı qələbə qazanmaqla liderliyə şərik oldu. İspaniyada “Elfsborq”u 3:0 hesabı ilə məğlub edən “Atletik” 2-ci, “Midtüllann”a Danimarkada 2:1 hesabıyla üstün gələn “Ayntraxt” (Frankfurt) 3-cü yerə qalxdı.
Ən çox maraq doğuran oyunlardan biri Londonda baş tutdu. Yerli “Tottenhem” “Roma” ilə matçın gedişində iki dəfə hesabda önə keçsə də, sonda bir xalla kifayətləndi. İtaliyalıları məğlubiyyətdən bu mövsüm A seriyasında yalnız 2 oyunda meydana çıxan Hummels xilas etdi. Alman müdafiəçiyə start heyətində şans verən qonaqların yeni baş məşqçisi Klaudio Ranyeri seçimində yanılmadı. İngiltərədə keçirilən digər matç da məhsuldar alındı.

“Mançester Yunayted” artıq ilk dəqiqədə “Bude/Qlimt”in qapısına yol tapsa da, Norveçin son çempionu ilk hissədəcə hesabda önə keçməyi bacardı. Fasilə ərəfəsində cavab qolunu vuran Höylunn ikinci hissənin əvvəlində hesabı 3:2-yə çatdırdı. Bu, Ruben Amorimin MY-nin baş məşqçisi kimi ilk qələbəsi oldu. Xatırladaq ki, portuqaliyalı mütəxəssis İngiltərə klubunda premyer-liqanın “İpsviç” ilə oyununda (1:1) debüt etmişdi. Liqa mərhələsinin ilk 3 oyununda rəqibləri ilə “sülh”ə razılaşan MY ardıcıl ikinci qələbə ilə 12-ci yerə yüksəldi.

Təəssüf ki, vahid liqa mərhələsi yeganə təmsilçimiz üçün uğursuz davam edir. İlk üç turda Londonda “Tottenhem”dən 3 cavabsız top buraxan, Bakıda “Malmö”yə (1:2) və “Ayaks”a (0:3) uduzan “Qarabağ” Norveçdə “Bude/Qlimt”ə 2:1 hesabı ilə qalib gəlməklə sonuncu yerdən 29-cu pilləyə qalxmışdı.

Ağdamlılar cümə axşamı Bakıda “Lion”dan da xal ala bilmədilər. 1:4 hesablı məğlubiyyət Azərbaycanın son çempionunu turnir cədvəlində 32-ci yerə saldı.

Ümumiyyətlə, cari mövsüm postsovet məkanından olan komandalar üçün uğursuz keçir. Latviyada PAOK-a 0:2 hesabıyla uduzan RFŞ 2 xalla cədvəlin 34-cü pilləsindədi. İlk 4 turda xal qazana bilməyən Kiyev “Dinamo”su isə məlum səbəbdən neytral meydanda – Almaniyanın Hamburq şəhərində “Viktoriya”ya 1:2 hesabıyla məğlub oldu. Təl-Əviv “Makkabi”si “Beşiktaş”a qalib gələndən (3:1) sonra Ukrayna təmsilçisi indi AL-də xalı olmayan yeganə komandadı.

əsas mərhələ, 5-ci tur
Latsio (İtaliya) - Ludoqorets (Bolqarıstan) 0:0
Latsio: Mandas, Maruşiç, Patrik, Jiqo, Luka Pelleqrini (Latsari, 46), Vesino (Rovella, 60), Genduzi, Çauna (İsaksen, 46), Dia (Kastelyanos, 46), Pedro (Zakkanyi, 79), Noslin.

Atletik (İspaniya) - Elfsborq (İsveç) 3:0
Bayro, 6. Prados, 24. Quruseta, 54.
Atletik: Simon, Qorosabel, Vivian, A.Paredes, Bayro (Lekue, 76), De Qalarreta (A.Errera, 56), Prados, İ.Uilyams (Berenger, 56), Sanset (U.Qomes, 63), N.Uilyams (Serrano, 63), Quruseta.
Midtüllann (Danimarka) – Ayntraxt (Frankfurt, Almaniya) 1:2
Kollins, 49-öz qapısına - H.Larsson, 7. Marmuş, 57-p.
Ayntraxt: Trapp, Kollins (Kristensen, 69), Kox, Tuta, Teate, Nkunku (Knauff, 86), Daud (Sxiri, 82), Şaibi, H.Larsson, Marmuş (Uzun, 69), Ekitike (Matanoviç, 82).

Tottenhem (İngiltərə) - Roma (İtaliya) 2:2
Son Hın Min, 5-p. Conson, 33 – Ndika, 20. Hummels, 90+1.
Tottenhem: Forster, Porro, Drequşin, Devis, Qrey, Sarr (Bissuma, 68), Bentankur (Berqvall, 77), Conson (Meddison, 68), Son Hın Min (Verner, 77), Kulusevski, Solanke.
Roma: Svilar, Anxelinyo, Çelik (Zalevski, 65), Mançini, Hummels, Ndika, Paredes, Kone, Dibala (Sule, 46), Əl-Şaaravi (Salemakers, 69), Dovbik.

Mançester Yunayted (İngiltərə) - Bude/Qlimt (Norveç) 3:2
Qarnaço, 1. Höylunn, 45; 50 - Evyen, 19. Zinkernaqel, 23.
Mançester Yunayted: Onana, Mazraui, De Liqt (Kazemiro, 66), L.Martines (Şou, 60), Antoni (Diallo, 59), Uqarte, B.Fernandeş, Malasiya (Dalot, 46), Maunt (Reşford, 59), Qarnaço, Höylunn.

Real Sosyedad (İspaniya) - Ayaks (Niderland) 2:0
Barreneçea, 67. Kubo, 85.
Real Sosyedad: Remiro, Elustondo (Aramburu, 45+4), Subeldiya, Agerd, Munyos, Subimendi, Mendes, Kubo (S.Qomes, 87), Oyarsabal (Sadik, 87), Suçiç (Turryentes, 46), Beker (Barreneçea, 65).

Braqa (Portuqaliya) - Hoffenhaym (Almaniya) 3:0
Bruma, 2. R.Fernandeş, 8. Vitor Karvalyo, 90+5.
Hoffenhaym: Baumann, Çaves, Akpoquma, Jandre, Yurasek, Ştax (Moerştedt, 89), Bişof (Qeyder, 64), Bruun Larsen (Prass, 72), Berişa, Qlojek (Tohumcu, 64), Kramariç (Tabakoviç, 72).

Nitsa (Fransa) - Reyncers (Şotlandiya) 1:4
Buanani, 83 – Çernı, 35. Diomande, 38. İqamane, 45+3; 54.
Nitsa: Bulka, Bard (Ndombele, 46), Abdelmonem, Rosario, Ndayşimiye (Nancu, 19), Badaui (Qessan, 69), Luşe, Buanani, İ.Kamara (Salhi, 69), Lyabord, Mukoko (Şo, 69).

QARABAĞ (AZƏRBAYCAN) - Lion (Fransa) 1:4
Juninyo, 88-p. – Mikautadze, 15; 80. Tolisso, 63. Fofana, 68.

RFŞ (Latviya) - PAOK (Yunanıstan) 0:2
Despodov, 2. Çalov, 59.

Anderlext (Belçika) - Portu (Portuqaliya) 2:2
De Qreef, 59. Amuzu, 86 – Qaleno, 24-p. Fabio Vieyra, 83.

Alkmaar (Niderland) - Qalatasaray (Türkiyə) 1:1
Meynans, 2 - Osimhen, 43.

Beşiktaş (Türkiyə) - Makkabi (Təl-Əviv, İsrail) 1:3
Rafael Silva, 38 – Kanixovski, 23. Perets, 45+3. Ueslli Patati, 81.

Dinamo (Ukrayna) - Viktoriya (Plzen, Çexiya) 1:2
Kabayev, 90+5 – Vıdra, 55. Şults, 90.

Slaviya (Çexiya) - Fənərbaxça (Türkiyə) 1:2
Xorı, 7 – Ceko, 35. Ən-Nəsiri, 85.

Ferentsvaroş (Macarıstan) - Malmö (İsveç) 4:1
Varqa, 8-p.; 11. Kadi Borges, 53. Sisse, 74 – Botheym, 18-p.

Tvente (Niderland) - Yunion (Belçika) 0:1
Fuseyni, 11.

FKSB (Rumıniya) - Olimpiakos (Yunanıstan) 0:0

1. Latsio 5 4 1 0 11-2 13
2. Atletik 5 4 1 0 9-2 13
3. Ayntraxt F 5 4 1 0 10-5 13
4. Qalatasaray 5 3 2 0 13-9 11
5. Anderlext 5 3 2 0 9-5 11
6. Ayaks 5 3 1 1 13-3 10
7. Lion 5 3 1 1 12-5 10
8. Reyncers 5 3 1 1 12-6 10
9. Tottenhem 5 3 1 1 10-6 10
10. FKSB 5 3 1 1 7-5 10
11. Ferentsvaroş 5 3 0 2 11-5 9
12. Mançester Y 5 2 3 0 10-7 9
13. Viktoriya P 5 2 3 0 9-7 9
14. Olimpiakos 5 2 2 1 5-3 8
15. Fənərbaxça 5 2 2 1 7-7 8
16. Real Sosyedad 5 2 1 2 7-6 7
17. Bude/Qlimt 5 2 1 2 8-8 7
18. Braqa 5 2 1 2 7-7 7
19. Alkmaar 5 2 1 2 7-7 7
20. Midtüllann 5 2 1 2 5-5 7
21. Roma 5 1 3 1 5-5 6
22. Beşiktaş 5 2 0 3 5-11 6
23. Portu 5 1 2 2 10-10 5
24. Yunion 5 1 2 2 3-4 5
25. Hoffenhaym 5 1 2 2 5-8 5
26. Slaviya 5 1 1 3 4-5 4
27. PAOK 5 1 1 3 5-9 4
28. Elfsborq 5 1 1 3 7-11 4
29. Tvente 5 0 3 2 4-7 3
30. Malmö 5 1 0 4 4-10 3
31. Makkabi T-Ə 5 1 0 4 5-12 3
32. Qarabağ 5 1 0 4 4-13 3
33. Ludoqorets 5 0 2 3 1-6 2
34. RFŞ 5 0 2 3 4-10 2
35. Nitsa 5 0 2 3 5-12 2
36. Dinamo 5 0 0 5 1-12 0

Bombardirlər: Varqa (Ferentsvaroş) – 5, Akgün (Qalatasaray), Omorodion (Portu), Əl-Kaabi (Olimpiakos) - 4.

Növbəti turun oyunları dekabrın 11-12-də keçiriləcək: Fənərbaxça – Atletik, Elfsborq – QARABAĞ, Roma – Braqa, Viktoriya P - Mançester Yunayted, Malmö – Qalatasaray, Olimpiakos – Tvente, PAOK – Ferentsvaroş, Ludoqorets – Alkmaar, Yunion – Nitsa, Hoffenhaym – FKSB, Ayaks – Latsio, Portu – Midtüllann, Bude/Qlimt – Beşiktaş, Makkabi T-Ə – RFŞ, Lion – Ayntraxt F, Reyncers – Tottenhem, Real Sosyedad – Dinamo, Slaviya – Anderlext.