Dünən Rusiya çempionatında 14-cü turun növbəti oyunları keçirilib.

Sonuncu qələbəsini 10-cu turda səfərdə “Krılya Sovetov” üzərində qazanan “Dinamo” bu dəfə “Rubin”in qonağı olub – 0:0.

“Football-plus.az” xəbər verir ki, paytaxt klubunun baş məşqçisi Valeri Karpin azərbaycanlı Ülvi Babayevə start heyətində şans verib. Soydaşımız çox çalışsa da, hansısa məhsuldar hərəkətlə yadda qalmayıb. Karpin onu 81-ci dəqiqədə əvəzləməyi lazım bilib.

32 dəqiqə azlıqda oynayan kazanlıları məğlub edə bilməyən “Dinamo” hazırda 17 xalla 8-ci pillədə qərarlaşıb.

ORXAN