Valeri Karpin Rusiya yığmasını daha uzun müddət çalışdıracaq.
Rusiya Futbol İttifaqının rəhbərliyi onunla əməkdaşlığı davam etdirmək qərarına gəlib. 53 yaşlı mütəxəssislə müqavilənin müddəti 2024-cü il avqustun 1-dək uzadılıb.
Karpin Rusiya millisini 2021-ci ilin iyulundan çalışdırır. Komanda onun rəhbərliyi altında keçirdiyi 8 matçda 6 qələbə qazanıb, 1 oyunu heç-heçə başa vurub, 1 dəfə isə uduzub. Qeyd edək ki, Karpin bu ildən eyni zamanda “Rostov”u çalışdırır.