“Ümit Akdağla söhbət etdim. Onu Rumıniya yığmasında oynamağa razı salmağa çalışdım. Amma razı sala bilmədim. Sözlərindən belə çıxdı ki, hələ də Türkiyə yığmasından dəvət gözləyir. Ondan hər şeyi yaxşıca götür-qoy etməsini istədim. Ümitə Türkiyə yığmasında forma geyməsinin çox çətin olacağını anlatdım. Çünki Türkiyənin müdafiə xəttində çox yaxşı isimlər var. Onları yaxından tanıyıram, bəziləri ilk dəfə mənim dönəmimdə yüksəlişə keçdi. Bunlardan biri son Avropa çempionatında Avstriyaya iki qol vuran Merih Dəmiral, digəri isə Çağlar Söyüncüdü. Ancaq Ümitə dedim ki, Rumıniya yığmasında ən azı Draquşin geri dönənə qədər şans qazana bilər. Düşünəcəyini və ailəsi ilə bu barədə söhbət edəcəyini dedi. Ümit Rumıniyada doğulub. Amma ailəsi türk olduğu üçün sonradan Türkiyəyə qayıdıblar. Təbii ki, bir nöqtədən sonra köklərinin olduğu yerə dönmək istəyir. Türkiyə üçün oynamağa daha həvəsli görünür”.