Luçeskudan ''Beşiktaş'' etirafı
''Beşiktaş''ın başına keçməyə namizədlərdən olan, amma təyinatı alınmayan Mirça Luçesku İstanbul nəhəngi ilə bağlı maraqlı etirafları ilə diqqət çəkib.
Bilindiyi kimi ''Qartal'' artıq Fernando Santuşla anlaşıb. Komanda portuqaliyalı mütəxəssisdən öncə isə məhz rumıniyalı çalışdırıcısı ilə danışıqlar aparmışdı. İdman direktoru Samet Aybaba Rumıniyaya yollanaraq Luçesku ilə görüşmüşdü. 78 yaşlı mütəxəssis bunu təsdiqləyərək bunları deyib:
"Samet Aybaba ilə 5 saata yaxın söhbət etdik. Onlara komandada hansı səhvlərə yol verildiyini anlatdım. Təcrübəmə əsaslanaraq bəzi məsləhətlər verdim. Fikirlərimi açıq şəkildə onlara izah etdim. Mövsümün ortasında yeni komanda qəbul etməyin heç vaxt tərəfdarı olmamışam. Amma yeni mövsümə mənimlə başlamaq istəsəydilər, buna razılıq verəcəkdim. Mənə 6 aylıq anlaşma təklif etdilər. Yayda isə yenidən danışıqlar masasına əyləşməli idik. Təcrübəm məni bu təklifi geri çevirməyə vadar etdi. Mən yaşdakı məşqçinin qəbul edəcəyi bir təklif deyil. Elə ''Lion''un da təklifini geri çevirdim. Mövsümün ortasında yeni komanda qəbul etmək böyük riskdi. Mən bu riskin altına girmək istəmirəm'".
ƏLİ
Digər xəbərlər
