''Türk olduğuma görə bu oyun mənim üçün xüsusi önəm kəsb edir. Qohum-əqrəba üçün 20-yə yaxın bilet almışam. Onlardan bəziləri ''Fənərbaxça''lı olsalar da, mənə görə ''Midtyullann''a azarkeşlik edəcəklər. Əks halda onlarla dalaşacam (gülür). ''Fənərbaxça'' fərdi cəhətdən güclü oyunçulara malik olsa da, qalib gələcəyimizə əminəm. Danimarkada xoşbəxtəm. Amma təbii ki, gələcəkdə daha böyük klubda oynamaq arzusu ilə yaşayıram. Ümid edirəm ki, bir gün böyük çempionatlarda oynayacaq səviyyədə bir futbolçuya çevriləcəm. Bunu bacarsam, tək özümü yox, həm də ailəmi qürurlandıracam. İndi Türkiyə çempionatına yollanmaqla bağlı hədəfim yoxdu. Superliqaya nə qədər çox hörmətim olsa da, potensialımın bundan da güclü çempionatda oynamağa imkan verdiyini düşünürəm. Amma yaşım irəlilədikdən sonra Türkiyədə oynaya və ya yenidən Danimarkaya qayıda bilərəm. Ötən il əslində Türkiyə yığmasında debüt etmək fürsətim var idi. Mənə yığmaya çağırılacağımı xəbər etdilər. Təəssüf ki, bir müddət sonra zədələndim. Çox böyük bir şanssızlıq oldu. Amma mənə hələ də yığmaya çağırılmağa yaxın olduğumu deyirlər''.