“Ətrafımdakı gurultunu təzyiq kimi qəbul etmirəm. Əksinə, belə şeylər məni motivasiyalandırır. Üzərimdəki məsuliyyəti bilirəm. Özümü sanki bütün bunlara ehtiyacı olan bir insan kimi hiss edirəm. Kənardan sakit göründüyüm üçün bəziləri çox fağır olduğumu düşünür. Amma mən də çox hirsliyəm. Əsas odu ki, insan özü kimi olsun və başqası kimi olmağa can atmasın. Həm iddialı olmalı, həm də hörmət saxlamağı bacarmalısan. Bunların arasında balans tapmaq lazımdı. Məsələn, Luka Modriç cərimə zərbəsini vurmaq istəyirsə, heç bir söz demədən topu qoyub ordan kənarlaşmalısan. Dünyanın ən böyük klubuna gəldiyimi bilirdim və ilk məşqdən səviyyəmin burda oynamaq üçün yetərli olacağını anladım. Baş skaut Juni Kalafat transferim rəsmiləşmədən öncə mənə açıq şəkildə “Modriç və Kroosdan sonrakı dönəmin önəmli bir parçası olacaqsan” dedi. İlk ilim çox çətin keçdi. Amma belə olacağını bilirdim. Karlo Ançelotti tarixin ən böyük məşqçilərindən biridi. Mənim gələcəkdə dünyanın ən yaxşı yarımmüdafiəçilərindən biri olacağımı mətbuata söyləmişdi. Etiraf edim ki, ilk mövsümdə oynamadığım dönəmlərdə çətinlik çəkirdim. Ancaq həmin vaxt nümayiş etdirdiyim səbr məni gücləndirdi. Alonso mənə daxili hissiyyatımın güclü olduğunu və meydanda bir savaşçı olduğumu dedi. Onun oyun fəlsəfəsində meydanın rəqibə aid hissəsində ikili mübarizələrdən qalib ayrılmaq çox mühüm yer tutur. Oyunçuların aqressiv olmasını istəyir. Ona tam güvənirəm. Hətta o qədər güvənirəm ki, qapıçı olmağımı istəsə, gedib əlcək alaram. 2023/24-də qazandığımız ÇL? O, mənim ÇL-im deyil. Mən özümü bu turnirin qalibi saymıram. Ona görə də yenisini qazanmalıyıq. Mbappenin istedadı ilə mənim özəlliklərim bir-birini tamamlayır. Onunla birlikdə oynamaqdan böyük zövq alıram. Bəzən oyunlardan öncə söhbət edirik. Oyunun gedişində nələr edəcəyimizi müzakirə edirik. Bəzən isə sadəcə, bir baxış kifayət edir. Mbappe elə oyunçudu ki, istədiyi yerdə oynaması üçün ona sərbəstlik vermək lazımdı. Mərkəzə qədər çəkilib top qəbul edirsə, bunu boşuna etmir. Oyunu gözəl oxuyur. Belə olan təqdirdə mən onun yerinə keçirəm. Məsut Özillə müqayisə olunmağım xoşuma gəlir. Bu, mənim üçün qürurvericidi. Amma böyük uğurları hər zaman iki-üç futbolçu yox, bütün komanda qazanır”.