''Ardanın az oynadığını görürük. Amma eyni problemlə mən də Madriddə üzləşmişdim. Gənc yaşda hər bir futbolçunun karyerasında bu cür dönəmlər olur. Ya daha kiçik kluba gedib hər matçda meydana çıxa bilərsən, ya da mübarizə aparıb hər həftə dünyanın ən yaxşıları ilə birlikdə məşq edə bilərsən. Bu, əvəzsiz təcrübədi. Fodenin də ''Mançester Siti''də ilk vaxtlar oyunu, göstəriciləri ürəkaçan deyildi. Amma Qvardiola onunla yaxından maraqlandı və Fodeni bu gün gördüyümüz futbolçuya çevirdi. Ardanın mövqeyində Kroos və Modriç kimi futbolçular var. Yəni o, əmin əllərdədi. Amma Kroos və Modriç əbədi olaraq oynamayacaq. Mütləq yavaş-yavaş gənc oyunçular üçün də fürsət yaranacaq. Türkiyə Ardanı çox sevir. Böyük bir ölkənin ümidlərini çiyində daşımağın nə demək olduğunu mən öz təcrübəmdən gözəl bilirəm. Amma yenə deyirəm, Arda ''Real''da etibarlı əllərdədi. Ançelotti kifayət qədər təcrübəlidi və bu cür durumlarda nə etmək lazım olduğunu gözəl bilir''.