“Real” fanatlarının türkiyəli gənc ulduz Arda Gülərə marağı günü gündən artır.

Belə ki, 19 yaşlı futbolçunun forması çox yaxşı satılır. İspaniya mətbuatının xəbərinə görə Arda hazırda ''Real''da forması ən çox satılan futbolçular arasında 5-ci pillədədi! Bu siyahıya təbii ki, Kilian Mbappe başçılıq edir. Təkcə fransalı superulduzun forması satışa çıxarılan ilk gündə 7 mindən çox forma satılmışdı. Həmin gün Madrid nəhəngi 800 min avrodan çox gəlir əldə etmişdi. Orta hesabla Mbappenin forma satışı hər gün ''Real''a 400-500 min avro qazandırır. ''Kral klubu''nda forması ən çox satılan futbolçular arasında Mbappedən sonra Vinisius, Bellingem, Modriç və Arda Gülər qərarlaşıb.

Xəbərdə qeyd olunub ki, Ardanın həm ötən mövsüm az oynamasına rəğmən vurduğu qollar, eləcə də AÇ-2024-dəki uğurlu performansindan sonra ''Real'' fanatlarının onunla bağlı gözləntiləri artıb. Xatırladaq ki, Arda ötən mövsüm ''Real''da ''24'' nömrəli forma ilə çıxış edirdisə yeni mövsümdə ''15'' nömrəli forma ilə oynayacaq.

ƏLİ