Alonsodan Arda Gülərə müjdəli xəbər
''Real'' üçün də Klublararası Dünya Çempionatında mübarizə başlayır.
"Football-plus.az" xəbər verir ki, Madrid nəhəngi bu gün Bakı vaxtı ilə saat 23.00-da Səudiyyə Ərəbistanı nəhəngi ''Əl-Hilal'' ilə qarşılaşacaq.
Komanda Xabi Alonsonun başçılığı altında ilk oyununu keçirəcək. Bu arada ispaniyalı mütəxəssis oyunöncəsi mətbuat konfransında bir çox mövzulara toxunub. Ona Arda Gülər ilə bağlı da sual verilib. Məşqçinin cavabı belə olub:
''Arda Gülər bu mövsüm daha çox oynamaq şansı qazanacaq. Yeni mühitə adaptasiya hər zaman vaxt aparır. Məsələn, Luka Modriçə də ''Real''a uyğunlaşmaq üçün bir xeyli vaxt lazım olmuşdu. Ardanın da, Endrikin də yaşadıqları futbolda normal proseslərdi. İldən ilə onlar üçün hər şey daha yaxşı olacaq''.
Alonsonun bu sözləri Türkiyə mətbuatında 20 yaşlı futbolçuya müjdəli xəbər kimi qələmə verilib. Qeyd edək ki, daha öncə Ardanın fiziki durumu ilə Xabi Alonsonu bir xeyli təəccübləndirdiyi iddia edilmişdi. Bu məşqçi türkiyəli ulduzun fiziki durumunun yaşına görə əla vəziyyətdə olduğunu bildirmişdi.
Digər xəbərlər
