Şumaherdə həyat əlamətləri görünür
Fransanın məşhur “L'Equipe” nəşrinin əməkdaşı Stefan L’Ermitt başından aldığı zərbədən sonra artıq neçə illərdi bərpa prosesi keçən yeddiqat dünya çempionu, alman Mihael Şumaherinn sağlıq durumunun yaxşılığa doğru dəyişdiyini bildirib:
“Mihaellə bağlı hər şeyin yaxşı olduğunu deməzdim. Ancaq əvvəlki ilə müqayisədə daha yaxşı olması mümkündü. Heç nəyi dəqiq bilmirik. Yeganə gerçək xəbərlər onun ailəsindən gəlir, bu da çox vacibdi. Ona görə ki, ailəsindən gələn xəbərlər yaxşı xəbərlərdi. Kənardan gələn xəbərlərə inanmağa dəyməz”.
Xatırladaq ki, apreldə Mihael xanımı Korinnanın yardımı ilə xeyriyyə hərracına çıxarılan dəbilqəni imzalayıb. Həmkarımızın fikrincə, bu, müsbət əlamətdi:
“O, bu il dəbilqəyə imza qoydu. Xeyriyyə tədbiri üçün atılan addım idi. Xanımı onun əlindən tutmuşdumu? Dəqiq cavabı bilmirik. Ancaq bu, müsbət, həyat əlaməti olan işarə almağımızla bağlı ilk fakt idi. Təəssüf ki, biz hələ də onun necə yeridiyini görməmişik. Onun hələ danışa bildiyinə də inanmıram”.
Xatırladaq ki, Şumaher 2013-cü ildə Fransadakı Alp dağlarında xizək sürərkən ağır kəllə-beyin zədəsi alıb. Məşhur pilot qəzadan sonra uzun müddət komada olub, süni nəfəs aparatına qoşulub. Ailəsi onun sağlıq durumu ilə bağlı təfərrüatı heç kimə açıqlamır.Alman pilot yanvarda 56 yaşını tamamlayıb. O, “Formula-1” karyerası boyunca 91 qələbə qazanıb, 155 dəfə fəxri kürsüdə yer alıb. Şumaher “kral avtoyarışları” üzrə çoxlu rekordların sahibidi. Məsələn, həm ən sürətli dövrələrin (77), həm də ardıcıl qazanılan çempionluq sayına (5) görə hamıdan öndədi.
Digər xəbərlər
