Şumaherin xanımı cəzadan narazıdı
“Formula-1”in sabiq pilotu, uzun müddətdi yataq xəstəsi olan Mihael Şumaherin ailəsi Vuppertal şəhər məhkəməsinin şantaj işi ilə bağlı qərarını hədsiz yüngül sayaraq apellyasiya şikayəti verib.
Xatırladaq ki, məhkəmə bir neçə gün əvvəl Şumaherin ailəsini şantaj etməkdə suçlanan üç nəfərlə bağlı qərarı açıqlayıb.
Əsas şantajçı – 53 yaşlı kişi 3 illiyə azadlıqdan məhrum olunub, onun oğlu 6 aylıq şərti cəza alıb. Ata ilə oğula 1500-ə yaxın foto və videonun surətini satan təhlükəsizlik xidmətinin sabiq əməkdaşı isə ikiillik şərti cəzaya məhkum edilib. Amma Mihaelin xanımı Korrina məhz sonuncunu cinayətin əsas ilhamvericisi sayır:
“Hədsiz yüngül saydığımız cəzadan şikayət etdik. Etimadımızdan sui-istifadə edən şəxsin hərəkəti məni hər şeydən daha artıq dərəcədə şoka salır. Təhlükəsizlik xidmətinin sabiq əməkdaşı bu cinayətə görə elə cəza almalıdı ki, başqalarını da belə hərəkətlərdən çəkindirsin”.
Digər xəbərlər
