Spoelstra ABŞ yığmasını çalışdıracaq
“Mayami”yə rəhbərlik edən Erik Spoelstra ABŞ basketbol yığmasının baş məşqçisi təyin olunub.
"Football-plus.az" xəbər verir ki, onunla müqavilə 2028-ci ilə qədər nəzərdə tutulub. Spoelstra baş məşqçi vəzifəsində 2022-dən bəri komandaya rəhbərlik edən Stiv Kerri əvəz edib. 54 yaşlı Spoelstra 2008-ci ildən bəri “Mayami”ni çalışdırır. O, bu komandanın heyətində iki dəfə MBA çempionu olub.
Başqa bir məşqçi xəbəri də var. “Dallas” baş məşqçisi Ceyson Kidd ilə müqavilə müddətini uzatdığını elan edib. Yeni müqavilənin şərtləri açıqlanmayıb. Klubun sahibi Patrik Düman anlaşmanı yeniləmələri ilə bağlı bunları deyib:
“Kidd klubun liderdə görmək istədiyi bütün keyfiyyətləri özündə birləşdirir. Əminik ki, o, düşüncəli və prinsipial şəkildə komandaya rəhbərliyi davam etdirəcək, “Dallas”ı əsas hədəfinə - çempionluğa çatdıracaq”.
52 yaşlı Kidd 2021-ci ildən bəri komandaya rəhbərlik edir. “Maveriks” onun rəhbərliyi altında 2022-də Qərb konfransının, 2024-də isə MBA-nın finalına çıxıb. “Dallas” onun dövründə 179 qələbə qazanıb, 149 oyunda uduzub.
