Türkiyənin Gürcüstanı 4:1 məğlub etdiyi son qarşılaşmada iki qol birdən vuran mərkəz müdafiəçisi Merih Dəmiralın adı ətrafında bu performansından sonra transfer iddiaları baş qaldırıb.

Təcrübəli futbolçu karyerasını Səudiyyə Ərəbistanı təmsilçisi ''Əl-Əhli''də davam etdirir. Özü də onun bu klubla müqavilə müddəti mövsümün sonunda başa çatır. Bu üzdən Merihə Avropa klublarının marağı artmağa başlayıb. Ancaq klubların adları açıqlanmır. ''Fənərbaxça'' zatən öz yetirməsi olan Merihi az qala hər transfer dönəmində geri qaytarmağa çalışır. Amma bunu edə bilmir. ''Əl-Əhli'' rəhbərliyinin isə 27 yaşlı futbolçunu buraxmaq niyyəti yoxdu. Bunu italiyalı insayder Fabritsio Romano da təsdiqləyib.

Onun verdiyi məlumata görə bu klub türkiyəli ulduza yeni müqavilə təklif etməyə hazırlaşır. Elə Merih də Səudiyyə Ərəbistanında xoşbəxtdi və karyerasını burda davam etdirməyin əleyhinə deyil. Amma təklif olunan müqavilənin şərtlərindən çox şey asılı olacaq. Daha öncə ''Yuventus'' və ''Atalanta''da forma geymiş Merih 2023-də 17 milyon avroya ''Əl-Əhli''yə transfer olunub.

Ötən mövsüm Asiya Çempionlar Liqasını qazanmış ilk türkiyəli futbolçu kimi tarixə düşən Dəmiral indiyə qədər bu klubda 73 rəsmi oyuna çıxaraq 3 qol vurub.