2-ci liqa oyunu yağışa görə təxirə düşdü

2-ci liqanın 10-cu turunda bu gün keçirilməli olan “Şirvan” – “Marafon” qarşılaşması təxirə salınıb.

"Football-plus.az" xəbər verir ki, buna səbəb matçın təyin olunduğu vaxtadək aramsız yağış yağması və Şirvan Olimpiya İdman Kompleksinin ot örtüyünün oyunun keçirilməsi üçün uyğunsuz vəziyyətə gəlməsidir.

Peşəkar Futbol Liqası matçın sabah keçirilməsi barədə qərar verib. Oyun eyni məkanda baş tutacaq və saat 15.00-da start götürəcək.