Ölkəmizin U-17 yığması Avropa çempionatının seçmə mərhələsində biabır oldu. Bir həftə ərzində üç oyun keçirən yeniyetmələr nə az, nə çox – 18 top buraxdı. Bundan betər fiasko olar? “Azərbaycanda futbol da var, futbolçu da” deyən Aqil Nəbiyev, hardadı onlar? Futbol da, futbolçu da varsa, deməli, məşqçi yoxdu. Ən azı U-17 komandasında. 3 oyunda 18 qol buraxmağın izahı nədi? Bu yaşda bu qədər qol buraxan futbolçuların gələcəyi ilə bağlı nəyə ümid edə bilərik?

İki ildi sizə şans verilib. Bəlkə bir işıq görək? Ardıcıl iki qələbədən sonra eqon yerə göyə sığmırdı. 11 ay əvvəl də Bakıda Rumıniya ilə oynamışdız, 1:1 başa çatmışdı. İndi də 1 qol vurduq, amma 5 qol buraxmaq şərti ilə.

Futbolçuların əsas problemi fiziki durumla bağlıdı. Sübüt da göz qabağındadı: komanda Rumıniya ilə oyunda hesabı açdı, hissəni 1:2 geridə başa vurdu. İsraillə matşda ilk yarı 1:1 bitdi. Albaniya ilə matçda da hesab 1:1 olandan sonra ikinci hissədə üç qol buraxmışdıq.

Fiziki durum təkcə Aqil Nəbiyevin problemi olmasa da, həm də onun problemidi. Belə nəticələrə isə heç cür haqq qazandırmaq olmaz. Artıq addım atmaq lazımdı. Ya irəli, ya da kənara – istefaya getmək lazımdı. Özü getmirsə, AFFA göndərməlidi!

MÜZƏFFƏR QULUZADƏ