“6-2-2 sxemi ilə də hücumameyilli oynamaq olar” – Arif Əsədov
Yığma Ayxan Abbasovun rəhbərliyi altında üçüncü oyuna çıxdı. Maraqlıdı ki, hər üç oyunda millimiz 5-4-1 taktiki sxemi ilə oynayıb.
Adətən, müasir futbolda 5 müdafiəçili sistemdə üç mərkəz müdafiəçisi, iki lateral (hücumameyilli cinah müdafiəçiləri) oynayır. Fransa, Ukrayna millimizdən çox güclüdü. Çox güma, İslandiya ilə oyunda da bu düzülüş seçiləcək.
Amma qarşıdan Millətlər Liqası da gəlir. Burdakı yığmalar da millimizə bab rəqiblərdi. Orda da 5-4-1 düzülüşü ilə oynamaq nə dərəcədə xeyir verə bilər? Axı müdafiəyəmeyilli sistemlə hücumda əziyyət çəkirik.
Bu mövzu ilə bağlı Arif Əsədovun fikirlərini öyrəndik:
“Sistem, sadəcə, düzülüşdü. Eyni düzülüşlə hücumameyilli də oynamaq olar, müdafiəyəmeyilli də. Bu artıq futbolçuların kreativliyindən aslıdı. 6-2-2 taktiki düzülüşü ilə də hücumameyilli oynamaq mümkündü. Bu məşqçidən asılı olan məsələdi. Dünənki oyunda futbolçuların profilləri dəyişdi. Elvin Cəfərquliyev Fransa ilə oyunda hücuma çıxsaydı, arxada ciddi boşluqlar ola bilərdi. Fransa Fransadı da. Amma ona dünənki oyunda hücuma çıxmaq tapşırılmışdı. Belə düzülüşdə dayaq yarımmüdafiəçilərindən biri də düşür. Məsələn, dünən Abdulax bunu edirdi. Bir sistemə fərqli yanaşma ola bilər. Biz PRO kateqoriyasında dərs keçirik, orda izah edirik ki, düzülüş taktiki sxem demək deyil. Düzülüş ayrı, taktiki sxem ayrı ola bilər. Rəqiblərdən asılıdı”.
MÜZƏFFƏR QULUZADƏ
Digər xəbərlər
