“Millimiz Estoniya ilə yaxşı başladı. Demək olar, təhlükəli vəziyyətlər yaranırdı. Qol imkanlarından istifadə edə bilmirdik. Bizim köhnədən olan problemimiz imkanlardan istifadə edə bilməməkdi. Rəqib ancaq bəxtini əks-hücumlarda sınadı. Təbii ki, orda fərdi səhvlər də vardı. Millimiz oyuna 5-4-1 sxemi ilə çıxmışdı. Yəni 3 mərkəz müdafiəçisi ilə başladı. Oyunun əvvəlində bu taktika effekt verirdi. Amma ikinci hissədə hesabda artıq geri düşəndə bəlkə də bu sistemdən çıxıb 4-lü müdafiəyə keçmək olardı. Bununla həm rəqibi çaş-baş salmaq olardı, həm də daha hücumameyilli oyunçuların sayını artırmaq olardı ki, bəlkə də oyunun axarı dəyişərdi. Bu, mənim şəxsi fikrimdi. Təbii ki, baş məşqçi bunu daha yaxşı görür. Əvəzetmələr oyuna güc qatmadı. Görünən o idi ki, hesabda geri olsaq da, oyunda hansısa dönüş yoxdu. Meydana sonradan çıxan futbolçular da çaş-baş görünürdülər. Bu rəqibi yüzdəyüz udmaq olardı. Çünki ilk dəqiqələrdən də göründü ki, onlar topla çox zəif davranırdılar. Bir az pressinq edən kimi topu itirirdilər. Onlar bizə qol vurandan sonra özünəinam qazandı. İkinci hissədədə rəqib daha inamlı göründü, nəinki biz. Amma kimin zəif oynadığını demək istəməzdim. Ümumi şəkildə görünənləri dedim. Düşünürəm ki, evdə Slovakiya ilə yaxşı oyun nümayiş etdirib xal götürmək olar. Təbii ki, Estoniyanı üstələmək, udmaq mümkün idi”.