“Üçüncü MDB Oyunlarının bağlanış mərasimindən sonra səhnələr və yerə döşənmiş ornamentlər söküləcək, ot örtüyünün alt qatlarının və torpaq istiliyinin bərpası, həmçinin əkilmə prosesi həyata keçiriləcək. Ot örtüyünün yüksək keyfiyyətdə, ideal səviyyədə olması üçün əkilmə ən uyğun mövsümdə olmalıdı. Meydançada hibrid ot örtüyü sistemi tətbiq edilməsi nəzərdə tutulur. Toxumların cücərməsi müəyyən vaxt tələb edir. Qış aylarında hava şəraiti isti olmadığından ot zəif inkişaf edir. Bu səbəbdən ot örtüyünün möhkəmlənməsi yaz aylarına təsadüf edəcək. Ot örtüyünün qurulması prosesi tamamlanandan sonra, təxminən aprel-may aylarında ot tam bitib möhkəmlənəcək, bu dövrdən etibarən meydança ideal səviyyəyə çatacaq və oyunların keçirilməsi mümkün olacaq”.