Tovuz şəhər stadionunda ot örtüyünün dəyişdirilməsi prosesinə start verilib.

"Football-plus.az" xəbər verir ki, bu barədə klubun mətbuat xidməti məlumat yayıb.

Süni örtük söküldükdən sonra drenaj və suvarma sisteminin quraşdırılması işləri həyata keçiriləcək. Bundan sonra torpaq hissənin yerləşdirilməsinə və müasir standartlara cavab verən təbii ot örtüyünün salınmasına başlanacaq.

İşlərin oktyabrın sonuna kimi tamamlanması nəzərdə tutulub. Eyni zamanda Abulbəyli kəndi ərazisində, Tovuz çayının kənarındakı torpaq sahəsində də süni örtüklü meydanın salınmasına başlanılıb.