Oktyabrın 3-də Avropa Liqasının (AL) 2024/25 mövsümünün əsas mərhələsində 2-ci tur keçirildi. 5 komanda növbəti qələbəsini qazandı, 6 iştirakçı isə ardıcıl ikinci dəfə məğlub oldu.

Xatırladaq ki, bu mövsümdən yeni format üzrə təşkil edilən AL-də vahid liqa mərhələsinə sentyabrın 25-də start verilib. Bu mərhələdə 32 yox, 36 komanda 8 fərqli rəqiblə 8 oyun keçirəcək. Ümumi turnir cədvəlində 1-8-ci yerləri tutanlar 1/8 finala vəsiqə qazanacaq, 9-24-cü yerləri tutan komandalar isə bu mərhələyə çıxmaq üçün iki matçdan ibarət pley-offda gücünü sınayacaq.

Təəssüf ki, vahid liqa mərhələsi yeganə təmsilçimiz üçün uğursuz davam edir. İlk turda Londonda “Tottenhem”dən 3 cavabsız top buraxan “Qarabağ” Bakıda “Malmö”yə də uduzdu – 1:2. Azərbaycanın son çempionu hazırda ümumi turnir cədvəlində 34-cü yeri tutur. Ümumiyyətlə, cari mövsüm hələ ki postsovet məkanından olan komandalar üçün uğursuz keçir. 1-ci turda “Latsio”ya uduzan (0:3) Kiyev “Dinamo”su Almaniyada “Hoffenhaym”dan iki cavabsız top buraxaraq növbəti məğlubiyyətini aldı. “Qarabağ” kimi xalı olmayan Ukrayna klubu topların fərqinə görə 35-ci yerdədi. Əsas mərhələyə FKSB-yə 1:4 hesabı ilə uduzmaqla başlayan RFŞ isə bu dəfə “Qalatasaray” ilə oyunda əzmkarlıq göstərərək ilk xalını qazandı. Bu xal Latviya klubunu 29-cu yerə çıxardı.

2-ci turdan sonra turnir cədvəlində 5 komandanın şərikli liderliyi formalaşıb. “Latsio” topların daha yaxşı fərqinə əsasən 1-ci yerdədi. İtaliya klubu bu dəfə “Nitsa”nı böyük hesabla məğlub etdi – 4:1. Dubl edən Kastelyanos 26 yaşını əla qeyd etdi. Argentinalı hücumçu “İnter”in baş məşqçisi Simone İnzaqidən sonra “Latsio”da doğum günündə avrokubok matçında qo vuran ikinci futbolçu oldu.

Qeyd edək ki, Fransa klubları Romada keçirdikləri 8-ci matçda 7-ci dəfə uduzdular. “Nitsa”dan fərqli “Lion” ikinci qələbə ilə birbaşa 1/8 finala çıxmaq yolunda növbəti addımını atdı. Fransa nəhəngi AL-dəki 50-ci matçında Qlazqoda “Reyncers”i 4:1 hesabıyla məğlub etdi. Dubl edən Lakazett “Lion”dakı qollarının sayını 184-ə çatdırdı. Təcrübəli hücumçu Fransanın bir klubundakı məhsuldarlıq göstəricisinə əsasən “Marsel”də 183 qol vuran Jan-Pyer Papeni arxada qoydu. Bu planda öndə olanlar isə PSJ-nin sabiq forvardları Kilian Mbappe (256) ilə Edinson Kavanidi (200).

Əsas mərhələdə ardıcıl ikinci qələbəsini qazanan digər klublar “Anderlext”, FKSB və “Tottenhem”di. İngiltərə təmsilçisi cümə axşamı qeyri-optimal heyətlə Macarıstanda “Ferentsvaroş”u da məğlub etdi – 2:1. London klubu 2021-ci ildən sonra ilk dəfə bütün turnirlərdə ardıcıl 5-ci qələbəsini qazandı.
Diqqəti cəlb edən digər fakt Portuqaliyada keçirilən matçda qeydə alındı. Yerli “Portu” ilk hissədə “Mançester Yunayted” qarşısında iki top fərqi ilə geri düşsə də, fasiləyə qədər bərabərliyi təmin etdi. Ev sahibləri ikinci hissənin əvvəlində 3-cü qolu da vurdular. Dubl edən Omorodion 3 qolla bombardirlərin siyahısında liderliyi ələ aldı. MY-ni məğlubiyyətdən son dəqiqələrdə Maquayr xilas etdi. Başqa sözlə Portuda turun ən məhsuldar oyunu baş tutdu. İlk turda evdə “Tvente” ilə heç-heçə edən (1:1) “Yunayted”in Erik ten Haqın başçılığı altında qitə kuboklarında keçirdiyi son 10 oyundan yalnız birində qalib gəlməsi (4 heç-heçə, 5 məğlubiyyət) də diqqətdən yayınmayan faktdı.

əsas mərhələ, 2-ci tur
Ferentsvaroş (Macarıstan) - Tottenhem (İngiltərə) 1:2
Varqa, 90 – Sarr, 23. Conson, 86.
Tottenhem: Vikario, Porro, Romero, Qrey, Devis, Sarr (Solanke, 81), Bissuma, Berqvall (Kulusevski, 65), Mur, Lankşir (Meddison, 65), Verner (Conson, 65).

Real Sosyedad (İspaniya) - Anderlext (Belçika) 1:2
Marin, 5 - Vaskes, 28. Leoni, 39.
Real Sosyedad: Remiro, Odriosola (Barreneçea, 46), Paçeko (Agerd, 46), Elustondo, Martin, Munyos, Mendes, Turryentes, Marin (S.Qomes, 67), Sadik (Kubo, 46), Oskarsson (Oyarsabal, 74).

Latsio (İtaliya) - Nitsa (Fransa) 4:1
Pedro, 20. Kastelyanos, 35; 53. Zakkanyi, 67-p. – Boqa, 41.
Latsio: Mandas, Xila (Romanyoli, 70), Patrik, Maruşiç (Latsari, 78), Luka Pelleqrini, Genduzi, Vesino (Dia, 64), Çauna (Zakkanyi, 46), Dele-Başiru (Rovella, 46), Pedro, Kastelyanos.
Nitsa: Bulka, Dante, Bombito, Ndayşime, Kloss (Abdi, 69), Rosario (Diop, 77), Budaui (Ndombele, 69), Luşe, Buanani (Şo, 69), Boqa (Qessan, 69), Mukoko.

Hoffenhaym (Almaniya) - Dinamo (Ukrayna) 2:0
Qlojek, 22; 60.
Hoffenhaym: Baumann, Akpoquma (Draksler, 74), Ştax, Nsoki, Jandre (Kaderjabek, 56), Bişof, Qrilliç (Tohumcu, 56), Prass, Kramariç (Bülter, 74), Qlojek, Moerştedt (Bruun Larsen, 87).

Portu (Portuqaliya) - Mançester Yunayted (İngiltərə) 3:3
Pepe Akino, 27. Omorodion, 34; 50 – Reşford, 7. Höylunn, 20. Maquayr, 90.
Mançester Yunayted: Onana, Mazraui, De Liqt (Evans, 78), L.Martines (Maquayr, 78), Dalot, Kazemiro, Eriksen, Diallo (Antoni, 68), Fernandeş, Reşford (Qarnaço, 68), Höylunn (Zirkzee, 68).

Reyncers (Şotlandiya) – Lion (Fransa) 1:4
Lourens, 14 – Fofana, 10; 55. Lakazett, 19; 45+1.
Lion: Lukas Perri, Meytlend-Nayls, Mata (Nyakate, 43), Talyafiko, Çaleta-Sar, Tolisso, Matiç (Kakere, 28), Veretu (Diavara, 75), Fofana (Benrahma, 75), Lyakazett, Şerki (Nuama, 75).

Atletik (İspaniya) - Alkmaar (Niderland) 2:0
İ.Uilyams, 72. Sanset, 86.
Atletik: Aqirresabala, Yeray, Qorosabel (De Markos, 56), Vivian, A.Paredes, De Qalarreta (U.Qomes, 84), Sanset, Xaureqisar (A.Errera, 74), İ.Uilyams, Quruseta (Berenger, 74), N.Uilyams.

Elfsborq (İsveç) - Roma (İtaliya) 1:0
Baydu, 44-p.
Roma: Svilar, Anxelinyo, Ermoso, Çelik, Ndika, Əbdülhəmid (Əl-Şaaravi, 65), L.Paredes, Baldantsi (Lorenso Pelleqrini, 72), Pizilli (Kristante, 65), Şomurodov (Dovbik, 65), Sule (Dibala, 65).

QARABAĞ (AZƏRBAYCAN) - Malmo (İsveç) 1:2
Juninyo, 15 – Botheym, 19; 47.

Olimpiakos (Yunanıstan) - Braqa (Portuqaliya) 3:0
Əl-Kaabi, 45; 59. Esse, 53.

Slaviya (Çexiya) - Ayaks (Niderland) 1:1
Xorı, 67 – Van den Boomen, 18-p.

RFŞ (Latviya) - Qalatasaray (Türkiyə) 2:2
Y.İkaunieks, 40. Odişariya, 55 – Mertens, 12. Akgün, 38.

Makkabi (Təl-Əviv, İsrail) - Midtüllann (Danimarka) 0:2
Cu, 39. Çilufya, 89.

PAOK (Yunanıstan) - FKSB (Rumıniya) 0:1
Bırlica, 45+8.

Beşiktaş (Türkiyə) - Ayntraxt (Frankfurt, Almaniya) 1:3
Masaku, 90+3 - Marmuş, 19-p. Dina Ebimbe, 22. Knauff, 82.

Tvente (Niderland) - Fənərbaxça (Türkiyə) 1:1
Vlap, 29 – Tadiç, 71.

Yunion (Belçika) - Bude/Qlimt (Norveç) 0:0
Viktoriya (Plzen, Çexiya) - Ludoqorets (Bolqarıstan) 0:0

1. Latsio 2 2 0 0 7-1 6
2. Lion 2 2 0 0 6-1 6
3. Tottenhem 2 2 0 0 5-1 6
4. FKSB 2 2 0 0 5-1 6
5. Anderlext 2 2 0 0 4-2 6
6. Ayaks 2 1 1 0 5-1 4
7. Ayntraxt F 2 1 1 0 6-4 4
8. Qalatasaray 2 1 1 0 5-3 4
9. Slaviya 2 1 1 0 3-1 4
10. Midtüllann 2 1 1 0 3-1 4
11. Hoffenhaym 2 1 1 0 3-1 4
12. Atletik 2 1 1 0 3-1 4
13. Fənərbaxça 2 1 1 0 3-2 4
14. Bude/Qlimt 2 1 1 0 3-2 4
15. Olimpiakos 2 1 0 1 3-2 3
16. Elfsborq 2 1 0 1 3-3 3
17. Reyncers 2 1 0 1 3-4 3
18. Alkmaar 2 1 0 1 3-4 3
19. Malmö 2 1 0 1 2-3 3
20. Braqa 2 1 0 1 2-4 3
21. Mançester Y 2 0 2 0 4-4 2
22. Viktoriya P 2 0 2 0 3-3 2
23. Tvente 2 0 2 0 2-2 2
24. Portu 2 0 1 1 5-6 1
25. Real Sosyedad 2 0 1 1 2-3 1
26. Yunion 2 0 1 1 1-2 1
27. Roma 2 0 1 1 1-2 1
28. Ludoqorets 2 0 1 1 0-2 1
29. RFŞ 2 0 1 1 3-6 1
30. Nitsa 2 0 1 1 2-5 1
31. Ferentsvaroş 2 0 0 0 2-4 0
32. PAOK 2 0 0 0 1-4 0
33. Makkabi T-Ə 2 0 0 0 1-4 0
34. Qarabağ 2 0 0 0 1-5 0
35. Dinamo 2 0 0 0 0-5 0
36. Beşiktaş 2 0 0 0 1-7 0
Bombardir: Omorodion (Portu) - 3.

Növbəti turun oyunları oktyabrın 23-24-də keçiriləcək: QARABAĞ – Ayaks, Qalatasaray – Elfsborq, Braqa - Bude/Qlimt, Roma – Dinamo, Ayntraxt F – RFŞ, Midtüllann – Yunion, Ferentsvaroş – Nitsa, Makkabi T-Ə - Real Sosyedad, PAOK – Viktoriya P, Atletik – Slaviya, Portu – Hoffenhaym, Tvente – Latsio, Fənərbaxça – Mançester Yunayted, Malmö – Olimpiakos, Lion – Beşiktaş, Reyncers – FKSB, Anderlext – Ludoqorets, Tottenhem – Alkmaar.