Yanvarın 30-da Avropa Liqasının (AL) əsas mərhələsində 8-ci turun oyunları keçirildi.

"Football-plus.az" xəbər verir ki, əvvəlki turdan sonra pley-offa vəsiqəni təmin edən 15 komanda müəyyənləşmişdi. Həmin komandalardan yalnız biri - “Latsio” birbaşa 1/8 finala çıxmışdı. Sonuncu turdan sonra həm bu, həm də pley-off mərhələsində oynayacaq bütün iştirakçılar müəyyənləşdi.

İlk 7 turda məğlub olmayan “Latsio”nun seriyası “Braqa” ilə oyunda qırıldı. İtaliya klubu Portuqaliyada buraxdığı erkən qola cavab verə bilmədi. Buna baxmayaraq, Marko Baroninin komandası yekun turnir cədvəlində 1-ci yeri itirmədi.

“Viktoriya”ya 3:1 hesabıyla qalib gələn “Atletik” də sonda 19 xal topladı, lakin bilbaolular topların fərqinə əsasən romalılardan geri qaldılar. İspaniya və İtaliya təmsilçiləri kimi, “Mançester Yunayted”, “Tottenhem”, “Ayntraxt” (Frankfurt), “Lion”, “Olimpiakos” və “Reyncers” də ilk 8 yeri təmin etməklə birbaşa 1/8 finalda oynamaq hüququ qazandı. Reqlamentə əsasən, vahid liqada mübarizəni yekun cədvəlin 9-24-cü yerlərində başa vuran 16 komanda - “Bude/Qlimt”, “Anderlext”, FKSB, “Ayaks”, “Real Sosyedad”, “Qalatasaray”, “Roma”, “Viktoriya” (Plzen), “Ferentsvaroş”, “Portu”, “Alkmaar”, “Midtüllann”, “Yunion”, PAOK, “Tvente” və “Fənərbaxça” isə pley-offda iştirak edəcək.

Təəssüf ki, vahid liqa mərhələsi təmsilçimiz üçün çox uğursuz sona çatdı. İlk 7 matçda “Tottenhem” (0:3), “Malmö” (1:2), “Ayaks” (0:3), “Lion” (1:4), “Elfsborq” (0:1) və FKSB-dən (2:3) xal ala bilməyən və yalnız “Bude/Qlimt”ə 2:1 hesabı ilə qalib gələn “Qarabağ” sonuncu tur ərəfəsində 36 komanda arasında 34-cü yerdə idi. Ağdamlılar cümə axşamı “Olimpiakos”a da uduzdular (0:3). Kiyev “Dinamo”sunun RFŞ-yə qalib gəlməsi (1:0) və “Nitsa”nın “Bude/Qlimt”dən bir xal (1:1) alması Azərbaycanın son çempionunu turnir cədvəlinin “zirzəmisi”nə saldı.

Ümumiyyətlə, cari mövsüm postsovet məkanından olan komandalar üçün uğursuz keçdi. Qeyd etdiyimiz kimi, RFŞ “Dinamo”ya uduzsa da, bu komandadan yüksək yeri - 32-ni tutdu. Kiyevlilər minimalhesablı qələbə ilə sonuncu yerdən 34-cü yə yüksəldilər. Bir sözlə, sabiq ittifaq məkanından olan komandalardan heç biri pley-offa belə adlaya bilmədi.

Həlledici oyunlarda qeydə alınan bir sıra maraqlı faktlara gəlincə, “Mançester Yunayted”in əsas mərhələni məğlubiyyətsiz başa buran yeganə komanda olduğunu ilk növbədə qeyd edək. FKSB-ni iki cavabsız qolla üstələyən İngiltərə nəhəngi Ruben Amorimin başçılığı altında keçirdiyi 4-cü qitə kuboku oyununu da qalib başa vurdu. Portuqaliyalı əfsanəvi ser Aleks Ferqyusondan sonra MY ilə ilk 4 avrokubok matçında qələbə qazanan ilk mütəxəssis oldu. 1/8 finala birbaşa vəsiqəyə yiyələnən İngiltərənin digər təmsilçisi “Tottenhem”di. “Elfsborq”la ev oyununu 3:0 hesabıyla başa vuran londonluların sonuncu qolunun müəllifi Mur oldu.

Meydana 17 yaş 172 günlüyündə çıxan Maykl əfsanəvi Cimmi Qrivzin 1957-ci ildə müəyyən etdiyi rekordu (17 yaş 245 gün) yeniləyərək tarixə avrokuboklarda qol vuran ən yeniyetmə ingiltərəli futbolçu kimi düşdü!

əsas mərhələ, 8-ci tur
Braqa (Portuqaliya) - Latsio (İtaliya) 1:0
Rikardo Orta, 6.
Latsio: Mandas, Maruşiç, Jiqo, Xila (Dia, 71), Romanyoli, Luka Pelleqrini (Zatsa, 88), Dele-Başiru, Çauna (İsaksen, 66), Pedro, Noslin, Kastelyanos (Balde, 88).
Atletik (İspaniya) - Viktoriya (Plzen, Çexiya) 3:1
N.Uilyams, 25. Y.Alvares, 64. Marton, 90+5 – Qavel, 71.
Atletik: Aqirresabala, Berçiçe, Y.Alvares, Vivian, De Markos, Xaureqisar (Vesqa, 70), Prados, N.Uilyams (Marton, 89), Berenger (Sanset, 66), İ.Uilyams (Calo, 70), Quruseta (Unay Qomes, 89).
FKSB (Rumıniya) - Mançester Yunayted (İngiltərə) 0:2
Dalot, 60. Maynu, 68.
Mançester Yunayted: Bayındır, L.Martines (Yoro, 71), De Liqt, Mazraui, Dalot, Maynu, Eriksen (Kazemiro, 72), Malasiya (Qarnaço, 46), B.Fernandeş, Kollyer (Diallo, 46), Höylunn (Zirkzee, 80).
Tottenhem (İngiltərə) - Elfsborq (İsveç) 3:0
Skarlett, 70. Acayi, 84. Mur, 90+4.
Tottenhem: Ostin, Porro, Van de Veen (Drequşin, 46/Skarlett, 66), Devis, Berqvall, Qrey, Bentankur (Bissuma, 46), Sarr, Mur, Rişarlison (Acayi, 80), Son Hın Min (Kulusevski, 46).
Roma (İtaliya) - Ayntraxt (Frankfurt, Almaniya) 2:0
Anxelinyo, 44. Şomurodov, 68.
Roma: Svilar, Hummels, Ndika, Mançini, Anxelinyo, Paredes (Kristante, 61), Kone, Lorentso Pelleqrini (Çelik, 80), Salemakers (Sule, 60), Dibala (Pizilli, 80), Dovbik (Şomurodov, 67).
Ayntraxt: Trapp, Kristensen, Tuta, Kox, Teate, Knauff (Uzun, 64), Sxiri, Larsson (Daud, 64), Bahoya (Nkunku, 64), Şaibi (Bekir, 84), Ekitike (Matanoviç, 72).
Lion (Fransa) - Ludoqorets (Bolqarıstan) 1:1
Tolisso, 54 – Diniş Almeyda, 78.
Lion: Perri, Abner (Talyafiko, 78), Meytlend-Nayls, Çaleta-Sar, Nyakate, Tolisso, Tessmann (Lakazett, 64), Veretu (Matiç, 64), Nuama (Kümbedi, 84), Mikautadze, Şerki.
Reyncers (Şotlandiya) - Yunion (Belçika) 2:1
Raskin, 21. Çernı, 55 – Makallister, 84.
Reyncers: Batlend, Tavernye, Kinq (Makkozlend, 14), Pröpper, Jefte, Raskin, Dyomande, Çernı (Sauttar, 63), İqamane (Lavleys, 80), Bayrami (Nsio, 80), Dessers.
Real Sosyedad (İspaniya) - PAOK (Yunanıstan) 2:0
Oskarsson, 43; 48.
Real Sosyedad: Marrero, Odriosola (X.Martin, 46), Elustondo, Agerd, S.Qomes (Lopes, 81), Barreneçea (Kubo, 73), Subimendi (Olasaqasti, 63), Mendes, Marin, Beker, Oskarsson (Oyarsabal, 78).
Olimpiakos (Yunanıstan) - QARABAĞ (AZƏRBAYCAN) 3:0
Əl-Kaabi, 56; 60. Byankon, 89.
Slaviya (Çexiya) - Malmö (İsveç) 2:2
Xorı, 46. Şrants, 76 – Əli, 69. Bolin, 71.
Makkabi (Təl-Əviv, İsrail) - Portu (Portuqaliya) 0:1
Niko, 58.
Ferentsvaroş (Macarıstan) - Alkmaar (Niderland) 4:3
Ben Romdhane, 9; 45. Traore, 34. Varqa, 82-p. – Miynans, 76; 90+5. Perrott, 90.
Dinamo (Ukrayna) - RFŞ (Latviya) 1:0
Pixalenok, 76.
Nitsa (Fransa) - Bude/Qlimt (Norveç) 1:1
Buanani, 74 – Byörkan, 54.
Anderlext (Belçika) - Hoffenhaym (Almaniya) 3:4
Vaskes, 18. Qoto, 74. Auqustinsson, 88 – Qranaç, 41. Bişof, 54. Mokva Ntusu, 59. Qlojek, 65.
Ayaks (Niderland) - Qalatasaray (Türkiyə) 2:1
B.Traore, 23. Fits-Cim, 58 - Osimhen, 90+4.
Midtüllann (Danimarka) - Fənərbaxça (Türkiyə) 2:2
Diao, 27. Byuskov, 86 – Ən-Nəsiri, 39. Ceko, 47.
Tvente (Niderland) - Beşiktaş (Türkiyə) 1:0
Rots, 76.

Yekun cədvəl
1. Latsio 8 6 1 1 17-5 19
2. Atletik 8 6 1 1 15-7 19
3. Mançester Y 8 5 3 0 16-9 18
4. Tottenhem 8 5 2 1 17-9 17
5. Ayntraxt F 8 5 1 2 14-10 16
6. Lion 8 4 3 1 16-8 15
7. Olimpiakos 8 4 3 1 9-3 15
8. Reyncers 8 4 2 2 16-10 14
9. Bude/Qlimt 8 4 2 2 14-11 14
10. Anderlext 8 4 2 2 14-12 14
11. FKSB 8 4 2 2 10-9 14
12. Ayaks 8 4 1 3 16-8 13
13. Real Sosyedad 8 4 1 3 13-9 13
14. Qalatasaray 8 3 4 1 19-16 13
15. Roma 8 3 3 2 10-6 12
16. Viktoriya P 8 3 3 2 13-12 12
17. Ferentsvaroş 8 4 0 4 15-15 12
18. Portu 8 3 2 3 13-11 11
19. Alkmaar 8 3 2 3 13-13 11
20. Midtüllann 8 3 2 3 9-9 11
21. Yunion 8 3 2 3 8-8 11
22. PAOK 8 3 1 4 12-10 10
23. Tvente 8 2 4 2 8-9 10
24. Fənərbaxça 8 2 4 2 9-11 10
25. Braqa 8 3 1 4 9-12 10
26. Elfsborq 8 3 1 4 9-14 10
27. Hoffenhaym 8 2 3 3 11-14 9
28. Beşiktaş 8 3 0 5 10-15 9
29. Makkabi T-Ə 8 2 0 6 8-17 6
30. Slaviya 8 1 2 5 7-11 5
31. Malmö 8 1 2 5 10-17 5
32. RFŞ 8 1 2 5 6-13 5
33. Ludoqorets 8 0 4 4 4-11 4
34. Dinamo 8 1 1 6 5-18 4
35. Nitsa 8 0 3 5 7-16 3
36. Qarabağ 8 1 0 7 6-20 3

Bombardirlər: Əl-Kaabi (Olimpiakos) – 7, Varqa (Ferentsvaroş) - 6, Akgün (Qalatasaray), Omorodion (Portu), Osimhen (Qalatasaray), Höylunn (Mançester Yunayted) - 5.