“Doğrudu. Oyunu iki hissəyə bölmək olar - birinci və ikinci hissə. Birinci hissədə yüksək dinamika, rəqibin geri çəkilməsi göründü. “Qarabağ”dan ehtiyatlanırdılar. Yəqin ki, geri çəkilərək əks-hücumlara çıxmağı planlaşdırırdılar. Amma xeyli top itkisinə yol verdilər deyə, əks-hücumları yerindəcə “boğulurdu”. Ancaq “Qarabağ” hücum edirdi. İkinci hissədə yox, qoldan sonra rəqib təzyiqi artırdı. Vurulan qolun ardından rəqibin yüzfaizliklik qol imkanı oldu. Bəxtimiz gətirdi. Bunun səbəblərini demək çətindi. İkinci hissədə daha çox öndən oynamağa başladılar. Bəlkə də “Kopenhagen”i 0:0 hesabı qane edirdi. Ən azı əks-hücumları planlayırdılar. Amma qol buraxdılar, hesabda geri düşdülər. Onlar üçün itirəsi bir şey yox idi. Riskli oynamağa başladılar. Daha çox cinahdan hücum edirdilər, bunları bağlaya bilmədik və qapımız qarşısında xeyli vəziyyət gördük. Buna görə də ikinci hissədə tamə məğlub olduq. Başqa məsələlər də var idi. Addainin meydana sonradan girib nə qədər bərbad oynadığı oyunları da görmüşük. İkinci hissədə vurulan qoldan sonra “Qarabağ” “sakitləşdi”. Ona qədər ikinci hissədə bütün komponentlərdə rəqibə uduzduq. İrəlidə oynayıb, əks-hücumlara yaxalanmamaq çox çətindi. Əvəzetmələrdən meydana daxil olacaq güclü futbolçularımız yoxdu. Addai taktiki baxımdan zəif olsa da, texniki baxımdan yaxşı futbolçudu. Qola da baxsaq, bunu gördük. Düzdü, qol vurdu. Amma “ikinin-birə” yaxalamışdılar. Ötürmə də verə bilərdi. Amma “Qarabağ”ın futbolçular birinci hissədə çox yaxşı oynadılar”.