“Yoxlama oyunu göstərici olmalı deyil. Oyunun formatı da qeyri-adi idi – hər biri 30 dəqiqədən ibarət dörd hissə. Hər iki komanda ilk 60 dəqiqəni bir, ikinci 60 dəqiqəni başqa heyət ilə oynadı. Bu oyunda “Qarabağ”ın çoxlu boşluğu göründü. Hər mövqedə boşluq oldu – istər qapı, istər müdafiə, istər yarımmüdafiə, istərsə də hücum. Futbolçular yetərincə yaxşı çıxış edə bilmədilər. Bu da normaldı. “Qarabağ”ın hazırlıq dövrü ilə “Metallist”in hazırlıq dövrü bir keçməyib. Ukrayna təmsilçisi Avstriyada artıq üçüncü yoxlama oyununu keçirirdi. “Metallist” də Ukrayna premyer-liqasına qayıdıb, “Qarabağ”la oyunda həm taktiki, həm də texniki baxımdan çox keyfiyyətli göründü. Nə etmək istədikləri bəlli idi. “Metallist”in ilk üç qolu “Qarabağ”ın bəlasına çevrilən standart vəziyyətlərdən, cinah ötürmələrindən gəldi. Bu qollara baxsaq, “Qarabağ”ın müdafiəsinin mərkəzində bir oyunçuya ehtiyacı var. Mateus Silva yaxşı oyunçudu, sürətlidi, amma mərkəz müdafiəçisi kimi taktiki baxımdan çox boşluğa yol verir. Mərkəz hücumçusuna da ehtiyac var. Nəriman çox yaxşı oynadı, əlinə keçən iki imkanı da qola çevirməyi bacardı. Amma “Qarabağ” uzunmüddətli hədəf düşünürsə, Çempionlar Liqasını düşünürsə, bir mərkəz hücumçusuna ehtiyac var. Bu oyunda bütün mövqelərdə boşluq göründü, amma əsasən mərkəz müdafiəçisi və hücumçusu lazımdı”.