"Oyunun belə keçəcəyi mənim üçün gözlənilən idi. Ancaq qol imkanlarımızın zəif olmasını gözləmirdim. Təbii ki, rəqib bu görüşdə qalib gəlmək adına bütün gücünü ortaya qoyacaqdı. Belə olan halda bizim düşüncələrimiz bu idi ki, hücumameyilli oyunçularımızın yaradacağı qol vəziyyətləri çox olacaq. İlk hissədə bunun öhdəsindən gələrək qol vura bildik.

Azarkeşlərə görə "köhlən atlar" istəksiz görünə bilər, lakin bir sabiq futbolçu kimi deyə bilərəm ki, bizim oyunçular istəksiz deyildi. Belə demək ağır ittiham olar. Sadəcə, meydanda bacarıqlarını göstərə bilmədilər. Bunun da bir neçə səbəbi var idi. Birincici,  Ağdam təmsilçisinin oyun fəlsəfəsi topa sahib olmaq və cinahlarla hücum quraraq rəqib müdafiəsində boşluq yaratmaqdı. Bu alınmayanda, meydanda belə oyunla qarşılaşırsan. Bəli, meydan amili, süni örtük, hava şəraiti, uzun yol qət etmək matçın axarına təsir etdi. Bu nüansları toplasaq, 20 fazi edər. Yerdə qalan faiz nisbətinə baxsaq, görərir ki, norveçlilər komandamızı çox yaxşı təhlil eləmişdi. "Molde" yalnız birinci qolda səhv etdi, digər vəziyyətlərdə qarşımızı yaxşı ala bildilər. Rəqib "5-li" müdafiə ilə oynadığı üçün orta sahədə boşluqlar ola bilərdi. Burda Patrik Andrade ilə Marko Yankoviç üzərində düşən işi görməliydi, təəssüf ki, alınmadı. Bəlkə də Patrikin oyun praktikasının azlığı, Julio Romaonun meydandakı yoxluğu da təsir etdi. Bunlara nəzər yetirəsək, "Qarabağ"ın istəksiz olmadığını, sadəcə, rəqibin təmsilçimizi yüksək səviyyədə təhlil etdiyini görərik. Skandinaviyalılara gəlincə, Bakıdakı ilə Moldedəki oyun arasında yerdən göyə qədər fərq var idi. O vaxt rəqib uzun yol gəlmişdi, komandamızı yaxşı tanımırdı. Bu səbəbdən də Azərbaycanda məğlub olmuşdular. Son dəqiqədə vurduğumuz qolda bəxt amili də var.

Ağdamlılardan yaxşı oyun görməsək də, sərfəli nəticə qazandığını deyə bilərik. Qrupdan, demək olar ki, çıxmışdıq. Sonuncu turda evdə "Həkken"lə oynayırıq. Mütləq bu matçda qalib gəlməliyik. İsveç klubunu da uda bilmiriksə, daha Avropa Liqasında nə işimiz var?"

“Molde”yə qələbə qazanmaq vacib idi. İkinci hissədə rəqib bütün gücünü meydanda göstərdi. Bu futboldu, güclü də oynaya bilərsən, zəif də. Məncə, hava şəraiti, meydan amili “Qarabağ”ın oyununa təsir etdi. Bir də qapıçı Andrey Lunyovun çıxışını qeyd edərdim. Onun da bu nəticəni qazanmağımızda böyük rolu var. İnşallah, son turda Bakıda “Həkken”i məğlub edib növbəti mərhələyə çıxacağıq”.