İsrail yığmaları yarışlardan kənarlaşdırılacaqmı?
İsrail yığmaları Beynəlxalq Basketbol Federasiyasının (FIBA) bayrağı altında keçirilən yarışlardan kənarlaşdırılacaq. Amma bunun üçün Beynəlxalq Olimpiya Komitəsinin (BOK) müvafiq tövsiyəsi lazımdı.
“Mundo Deportivo” nəşri FIBA-dakı məlumatlı mənbəyə istinadla belə xəbər yayıb. "Football-plus.az" xəbər verir ki, nəşr bunu da əlavə edib:
“İndiki reallıq bundan ibarətdi: FIBA BOK-un prinsip və tövsiyələri əsasında hərəkət edir, dəyişən nəsə yoxdu. İndiyə qədər İsrail komandalarının və idmançılarının yarışlardan kənarlaşdırılmasıyla bağlı hansısa siqnal almamışıq”.
Bu gün start götürəcək basketbol üzrə Avropa Liqasında da İsrail klublarınıncəzalandırılmasıyla bağlı heç bir məlumat yoxdu. Müntəzəm çempionata qatılacaq İsrail klublarının oyunlarında təhlükəsizliyin təmin olunması üçün bütün zəruri tədbirlər görüləcək. Bu nə qədər çətin olsa da.
Xatırladaq ki, bir neçə gün əvvəl Birləşmiş Millətlər Təşkilatının 8 eksperti FİFA və UEFA-ya İsrail klublarının və yığmalarının bu qurumların bayrağı altında keçirilən yarışlardan uzaqlaşdırılmasıyla bağlı xahiş ünvanlamışdı.
Digər xəbərlər
