“Müəyyən çətinliklər var, bunlar U-21-də olanda da var idi” – “Şamaxı” Ayxan Abbasovun təyinatından narazıdı
“Şamaxı”nın baş məşqçisi Ayxan Abbasov ölkənin əsas yığmasının “sükanı arxasına” keçdi. Onun klubdakı vəzifəsindən ayrılmadığını da nəzərə alsaq, belə çıxır ki, bir müddət paralel şəkildə çalışacaq.
Bəs “Şamaxı” hadisələrin belə axarından razıdımı? Axı U-21 başqadı, əsas yığma – Abbasov ölkənin əsas komandasına yetərincə çox vaxt ayırmalı olacaq. Klubun idman direktoru Kamran İsmayılovun “Football-plus.az”a cavabı:
“Biz bu təyinatdan şərəf duyuruq. Bizim üçün xoş xəbərdi. Çətinliklər baş verir. Ayxan müəllimin özü üçün də çətindi. Buna qədər Ayxan müəllim U-21 millisinin baş məşqçisi idi. Məsələyə klub tərəfindən yanaşsaq, əvvəl necə U-21-in düşərgəsinə gedirdisə, indi də həmin tarixlərdə A milli komandaya yollanacaq. Müəyyən çətinliklər var, bunlar U-21-də olanda da var idi. Amma biz bunu başa düşürük, qəbul edirik. İnanıram ki, hər iki cəbhədə uğurlu olacaq”.
MÜZƏFFƏR QULUZADƏ
Digər xəbərlər
