Harri Keynin “Bavariya”dakı gələcəyi qeyri-müəyyəndi.

“Bild” nəşrinin yaydığı məlumata görə, 32 yaşlı ingilis futbolçunun müqaviləsində xüsusi bənd var. Həmin bəndə əsasən, Keyn 2026-cı ilin yayında klubdan ayrılmaq istəsə, 68 milyon avrodan az məbləğə transfer oluna bilər. Mənbə bildirir ki, həm “Real”, həm də “Barselona” ulduz futbolçunun xidmətində maraqlıdı. İspaniya klubları artıq gələn yay üçün mümkün transfer variantını nəzərdən keçirirlər.

Keyn “Bavariya”da 2023-cü ilin yayından çıxış edir. O, ötən müddətdə 104 oyunda meydana çıxıb, 100 qol vurub və 29 məhsuldar ötürmə edib. İngilis futbolçunun Münhen klubu ilə müqaviləsinin müddəti 2027-ci ilin yayına qədərdi.