Rafinya yayda “Barselona”dan ayrıla bilər.

İspaniya mətbuatının məlumatına görə, 28 yaşlı futbolçunun İngiltərə klublarından birinə keçməsi gözlənilir. Onunla “Mançester Siti”, “Liverpul” və “Arsenal” maraqlanır. Futbolçunun ətrafı artıq yay “transfer pəncərəsi” üçün Rafinya ilə maraqlanan klubları məlumatlandırıb. Öz növbəsində “Barselona” futbolçusu üçün təxminən 80 milyon avro tələb edəcək. Rafinyanın klubu ilə müqaviləsinin müddəti 2027-ci ilin yayına qədərdi.

O, bu mövsüm komandada 48 oyun keçirib, 30 qol vurub və 23 məhsuldar ötürmə edib.