“Bavariya” onu vətəninə buraxmaq istəmir
Harri Keyn ilə bağlı maraqlı xəbər yayılıb.
“Bavariya”nın futbolçusunun İngiltərəyə qayıtmaq istədiyini “El Nacional” xəbər verib. Bu mənbə hücumçunun yaxın ətrafına istinadla məlumat yayıb. İddiaya görə, 31 yaşlı oyunçu bu mövsümün sonunda ölkəsinə qayıdıb karyerasını orada bitirmək istəyir. Keyni transferi üçün favorit sayılan klub “Liverpul”du. Amma “Bavariya” rəhbərliyi hücumçusunu buraxmaq niyyətində deyil.
“Tottenhem”in yetirməsi olan Harrinin Münhen klubu ilə müqaviləsinin müddəti 2027-ci ilin yayına qədərdi.
O, bu mövsüm “Bavariya”nın formasında 37 oyuna çıxaraq 32 qol vurub və 11 məhsuldar ötürmə edib.
