Argentina çempionatının Klausura (bağlanış) mərhələsində keçirilən 8-ci turundan sonra A qrupunda ikihakimiyyətlilik yarandı. “River Pleyt” isə B qrupunda vahid liderliyini qorudu.

Mövsümün Apertura (açılış) adlanan ilk mərhələsinin qalibi heç cür sabit oyun sərgiləyə bilmir. Amma “Platense” bu dəfə hesabına maksimum xal yaza bildi. “Defensa y Xustisiya”ya səfərdə 2:1 hesabı ilə qalib gələn Kristian Qonsalesin komandası B qrupunda 15 iştirakçı arasında 11-ci yerdən 9-a yüksəldi.

A qrupunda tura lider kimi başlayan “Barrakas Sentral” hesabına bir xal yaza bildi. “Qodoy Krus” ilə səfər matçında qeydə alınan qolsuz heç-heçə Ruben İnsuanın komandasına vahid liderliyi itirmək bahasına başa gəldi.

“Sentral Kordoba”nın liderliyi ələ almaq şansı vardı. Lakin kordobalılar “Deportivo Riestra”dan xal ala bilmədilər. İki cavabsız top buraxan komandanın Klausurada ilk dəfə uduzduğunu da qeyd edək. “Sentral Kordoba” topların fərqinə əsasən 4-cü yerə düşdü.

“Boka Xuniors” da əla imkandan yararlana bilmədi. Tura 3-cü yerdə başlayan ölkə nəhəngi səfərdə “Rosario Sentral” ilə qollu “sülh”ə razılaşdı. Migel Anxel Russonun çalışdırdığı komanda 20-ci dəqiqədə Battalya ilə hesabı açsa da, tezliklə cavab qolu vuruldu. Uzun illərdən sonra bu yay doğma klubuna qayıdan 37 yaşlı Di Mariya Klausurada 4-cü qolunu bayram etdi. “Boka Xuniors” öz mövqeyində qaldı, çempionatda hamıdan çox – 5-ci dəfə heç-heçə edən “Rosario Sentral” isə B qrupunda 6-cı yerə düşdü.

A qrupunda isə “Union” liderliyə şərik oldu. “Ximnasiya” üzərində 3:1 hesablı qələbə Leonardo Madelonun çalışdırdığı komandanı topların daha yaxşı fərqinə görə 1-ci yerə yüksəltdi.

Mövsümün ikinci mərhələsinə uğursuz başlayan vitse-çempion “Atletiko Urakan” böhrandan çıxsa da, son nəticələr heç də uğurlu sayıla bilməz. Frank Kudelkanın komandası bu dəfə evdə “Veles Sarsfild” ilə qolsuz heç-heçəyə razılaşdı. Yenə bir xal qazanan vitse-çempion A qrupunda 7-ci yerdən 8-ə düşdü.

B qrupunda “River Pleyt” liderliyini davam etdirdi. Səfərdə “Estudiantes”ə 2:1 hesabıyla qalib gələn ölkə nəhənginin bu nəticəni çətinliklə qazandığını qeyd etməliyik. Artıq 13-cü dəqiqədə iki top fərqi ilə üstünlük yaxalayan paytaxt komandası fasilə ərəfəsində Lukas Martinesin ikinci xəbərdarlıq almasına görə meydanda on nəfərlə qaldı. Buna baxmayaraq, Marselo Qalyardonun komandası qalan vaxtda yalnız bir top buraxaraq əzmkarlıq nümayiş etdirməklə qələbə qazandı.

Bu qrupda tura liderin əsas izləyicisi kimi başlayan “Veles Sarsfild”in səfərdə “Atletiko Urakan”la qolsuz heç-heçəyə razılaşdığını qeyd etdik. İki xal itkisi “Veles”ə 2-ci yeri itirmək bahasına başa gəldi. Ona görə ki, “Deportivo Riestra” evdə “Sentral Kordoba”ya qalib gəlməklə liderdən sonrakı yerə çıxdı.

qrup mərhələsi, 8-ci tur
Qodoy Krus - Barrakas Sentral 0:0
Deportivo Riestra - Sentral Kordoba 2:0
Alonso, 33. Qoytia, 70.
Rosario Sentral - Boka Xuniors 1:1
Di Mariya, 24 - Battalya, 20.
Ximnasiya - Union 1:3
M.Torres, 52 – Del Blanko, 47. Tarraqona, 57. M.Martines, 62.
İndependyente - Banfild 0:1
Rio, 37.
Estudiantes - River Pleyt 1:2
Nunyes, 90+2 – Qaloppo, 6. M.Fernandes, 13.
Atletiko Urakan - Veles Sarsfild 0:0
Rasinq - San Lorenso 2:0
Kolombo, 37. Solari, 58.
Belqrano - San Martin San Xuan 0:0
Nyuellz Old Boyz - Atletiko Tukuman 2:0
Kuesta, 82. Quç, 90+3.
Lanus - İndependyente Rivadaviya 1:0
Bou, 56.
Sarmyento - Aldosivi 2:0
Qodoy, 39. Morales, 59.
İnstituto - Arxentinos Xuniors 2:0
Luna, 45. Lodiko, 90+1-p.
Tiqre - Talyeres de Kordoba 0:0
Defensa y Xustisiya - Platense 1:2
Miritelyo, 32 - Şor, 46. D.Martines, 48.

A qrupu
1. Union 8 4 3 1 13-6 15
2. Barrakas Sentral 8 4 3 1 11-8 15
3. Boka Xuniors 8 3 4 1 10-4 13
4. Sentral Kordoba 8 3 4 1 10-6 13
5. Banfild 8 4 1 3 9-10 13
6. Defensa y Xustisiya 8 3 3 2 9-7 12
7. Estudiantes 8 4 0 4 9-10 12
8. Atletiko Urakan 8 3 3 2 5-6 12
9. Nyuellz Old Boyz 8 2 3 3 8-8 9
10. Belqrano 8 2 3 3 6-7 9
11. Tiqre 8 2 3 3 6-7 9
12. Arxentinos Xuniors 8 2 2 4 7-8 8
13. İndependyente Rivadaviya 8 2 2 4 8-10 8
14. Rasinq 8 2 1 5 8-12 7
15. Aldosivi 8 0 3 5 1-10 3

B qrupu
1. River Pleyt 8 5 3 0 16-5 18
2. Deportivo Riestra 8 5 1 2 11-5 16
3. Veles Sarsfild 8 4 3 1 9-3 15
4. Lanus 8 4 1 3 7-7 13
5. San Lorenso 8 3 3 2 5-5 12
6. Rosario Sentral 7 2 5 0 5-3 11
7. Ximnasiya 8 3 1 4 6-8 10
8. Atletiko Tukuman 8 2 3 3 8-8 9
9. Platense 7 2 3 2 7-9 9
10. Sarmyento 7 2 3 2 7-9 9
11. San Martin San Xuan 8 2 3 3 5-7 9
12. İnstituto 8 2 3 3 4-10 9
13. Qodoy Krus 8 1 4 3 7-10 7
14. Talyeres de Kordoba 8 1 3 4 3-8 6
15. İndependyente 7 0 3 4 4-8 3

Bombardirlər: R.Martines (Platense) - 5, Kastilyo (Lanus), Di Mariya (Rosario Sentral), Qaloppo (River Pleyt), X.Errera (Deportivo Riestra) - 4.