Argentina çempionatının startı iyulun 11-də verilən Klausura (bağlanış) mərhələsində keçirilən 3-cü turunda diqqəti daha çox cəlb edən fakt 15 oyundan 8-də hesabın açılmaması oldu. Artıq yüksək liqada xal itirməyən komandanın qalmadığını da qeyd edək.

Mövsümün Apertura (açılış) adlanan ilk mərhələsinin finalçılarının 2-ci turdan sonra autsayder durumunda olmaları diqqətdən yayına bilməzdi. İyunun 1-də keçirilən finalda “Atletiko Urakan”ı minimal hesabla üstələyən “Platense” Aperturanın qalibi olsa da, Klausuraya uğursuz start vermişdi. Kristian Qonsalesin iyunda təyinat aldığı “Platense” ilk iki turda “River Pleyt” (1:3) və “Veles Sarsfild” (0:0) ilə keçirilən matçlarda hesabına yalnız bir xal yaza bilmişdi. “Arxentinos Xuniors” ilə növbəti oyun da meydan sahibləri üçün ciddi sınağa çevrildi. Qonsalesin komandası oyun planında üstün olsa da, hesabı aça bilmədi. Aperturanın çempionu indi B qrupunda 15 komanda arasında 14-cü yeri tutur.

Vitse-çempion “Atletiko Urakan” da mövsümün ikinci mərhələsinə uğursuz başlamışdı. Frank Kudelka ilə gümüş medallara sahib çıxan komanda ilk turda “Belqrano”ya (0:3), 2-ci turda isə “Estudiantes”ə (1:2) boyun əymişdi. Bu dəfə “Boka Xuniors”a 1:0 hesabıyla qalib gələn “Atletiko Urakan” A qrupunun sonuncu pilləsindən qurtuldu. Migel Anxel Russonun çalışdırdığı qonaq komanda isə bu qrupda 14-cü yerə düşdü.

3-cü turdan sonra A qrupunda “Estudiantes” və “Barrakas Sentral” hərəyə 6 xalla şərikli liderlərdi.
B qrupunda ilk iki oyuna maksimum nəticə göstərən yeganə komanda “River Pleyt” idi. Birinci mərhələnin uğursuzları sırasında olan ölkə nəhəngi hesabat turunda “San Lorenso”nun qapısına yol tapa bimədi. Marselo Qalyardonun çalışdırdığı komanda evdə iki xal itirsə də, qrupda vahid liderliyi əldən vermədi.

Hazırda B qrupunda “Deportivo Riestra” 6 xalla 2-ci yeri tutur. Hesabat turundan sonra çempionatda xalsız komandanın qalmadığını da qeyd edək. A qrupunda “Atletiko Urakan” ilk qələbəsini qazandısa, B qrupunda bu nəticəyə nail olan “Lanus” sonuncu yerdən qurtuldu.

qrup mərhələsi, 3-cü tur
Platense - Arxentinos Xuniors 0:0
Atletiko Urakan - Boka Xuniors 1:0
Milyeviç, 65.
Sentral Kordoba - Defensa y Xustisiya 2:1
Besossi, 10. Veron, 90+3 – S.Peres, 53.
Banfild - Barrakas Sentral 1:3
Ausmendi, 33 – X.Ruis, 20. Maldonado, 35. Cappert, 44.
Union - Tiqre 0:0
River Pleyt - San Lorenso 0:0
Deportivo Riestra - Atletiko Tukuman 1:0
X.Errera, 78-p.
Veles Sarsfild - İnstituto 0:0
Sarmyento - Lanus 0:2
Kastilyo, 10; 43.
İndependyente Rivadaviya – Belqrano 0:0
Aldosivi - Nyuellz Old Boyz 0:0
Rosario Sentral - San Martin San Xuan 0:0
Rasinq - Estudiantes 0:1
Karrilyo, 55.
Ximnasiya - İndependyente 1:0
Suso, 24.
Talyeres de Kordoba - Qodoy Krus 0:0

A qrupu
1. Estudiantes 3 2 0 1 3-2 6
2. Barrakas Sentral 3 2 0 1 4-4 6
3. Sentral Kordoba 3 1 2 0 3-2 5
4. Union 3 1 2 0 2-1 5
5. İndependyente Rivadaviya 3 1 1 1 4-2 4
6. Belqrano 3 1 1 1 3-1 4
7. Defensa y Xustisiya 3 1 1 1 3-2 4
8. Nyuellz Old Boyz 3 1 1 1 3-3 4
9. Tiqre 3 1 1 1 3-3 4
10. Banfild 3 1 1 1 3-4 4
11. Rasinq 3 1 0 2 1-2 3
12. Atletiko Urakan 3 1 0 2 2-5 3
13. Arxentinos Xuniors 3 0 2 1 1-2 2
14. Boka Xuniors 3 0 2 1 1-2 2
15. Aldosivi 3 0 2 1 0-2 2

B qrupu
1. River Pleyt 3 2 1 0 7-1 7
2. Deportivo Riestra 3 2 0 1 4-3 6
3. Rosario Sentral 3 1 2 0 2-1 5
4. San Lorenso 3 1 2 0 2-1 5
5. Veles Sarsfild 3 1 2 0 2-1 5
6. San Martin San Xuan 3 1 1 1 4-4 4
7. Atletiko Tukuman 3 1 1 1 3-3 4
8. Talyeres de Kordoba 3 1 1 1 3-3 4
9. Ximnasiya 3 1 1 1 1-1 4
10. İnstituto 3 1 1 1 1-4 4
11. Lanus 3 1 0 2 2-2 3
12. Qodoy Krus 3 0 3 0 1-1 3
13. Sarmyento 3 0 2 1 2-4 2
14. Platense 3 0 2 1 1-3 2
15. İndependyente 3 0 1 2 3-5 1

Bombardirlər: Ausmendi (Banfild), Baneqa (Nyuellz Old Boyz), Kastilyo (Lanus), Kolidio, Lensina (hər ikisi “River Pleyt”), Di Mariya (Rosario Sentral), X.Errera (Deportivo Riestra), Retamar (İndependyente Rivadaviya), Tiyanoviç (San Martin San Xuan) - 2.