Argentina çempionatında 13-cü turun oyunlarından sonra 4 komanda 1/8 finala vəsiqəni təmin etdi. A qrupunda 1, B qrupunda isə 3 komanda qrup mərhələsinin sonuna üç tur qalmış pley-offda iştirak hüququ qazandı.

"Football-plus.az" xəbər verir ki, “Boka Xuniors” uğurlu çıxışını davam etdirir. Ölkə nəhəngi səfərdə “Belqrano”u 3:1 hesabıyla məğlub etdi. Fernando Qaqonun komandası 1-ci yerdəki mövqeyini möhkəmləndirməklə yanaşı, 1/8 finala da vəsiqə qazandı.

Tura 25 xalla 2-ci yerdə başlayan “Arxentinos Xuniors” səfər matçında hesabına bir xal yaza bildi. “Nyuellz Old Boyz” ilə oyun qolsuz başa çatdı və Nikolas Diesin komandası topların fərqinə əsasən 3-cü yerə düşdü.

İki tur əvvəl A qrupunda vahid lider olan “Tiqre” azarkeşlərini yenə məyus etdi. Dieqo Dabovenin komandası ardıcıl ikinci dəfə uduzdu. “Barrakas Sentral”a minimalhesablı məğlubiyyət “göy-qırmızılar”ı 4-cü pilləyə saldı. “Tiqre” çempionatda heç-heçəyə razılaşmayan yeganə komandadı.
Dabovenin komandasının növbəti məğlubiyyəti “Atletiko Urakan”ın işinə yaradı. “Sentral Kordoba”ya səfərdə 2:1 hesabıyla qalib gələn paytaxt klubu topların daha yaxşı fərqinə əsasən 2-ci yerə çıxdı.

B qrupunda şərikli liderlik pozuldu. Tura hərəyə 25 xalla şərikli lider kimi başlayan komandalardan “İndependyente” evdə “San Martin San Xuan”ı iki cavabsız qolla məğlub etdi. Xulio Vakkarinin komandası inamlı qələbə ilə yenidən vahid lider olmaqla yanaşı, 1/8 finala vəsiqəni də təmin etdi.
“Rosario Sentral” turu minimal xalla başa vurdu. Rosariolular səfərdə “Platense” ilə qolsuz heç-heçəyə razılaşdılar. Ariel Olanın komandası şərikli liderliyi itirsə də, 2-ci yerdəki mövqeyini qorudu. Və ən əsası pley-offa vəsiqə qazandı.

“San Lorenso” da azarkeşlərini sevindirdi. “Atletiko Tukuman”ı 1:0 hesabıyla məğlub edən paytaxt təmsilçisi 3-cü yerdə qaldı. “San Lorenso” həm də çempionluq uğrunda mübarizəni davam etdirmək üçün vacib olan 1/8 finalda iştirakını təmin etdi.

Amma hələ ki bu fikri “River Pleyt” haqda söyləmək mümkün deyil. Tura 4-cü yerdə başlayan ölkə nəhəngi yenə büdrədi. “Talyeres de Kordoba”ya evdə məğlubiyyətdən son dəqiqələrdə qurtulan Marselo Qalyardonun komandası ardıcıl 4-cü oyununu da heç-heçə ilə başa vurdu. Nəticədə “River” indi B qrupunda liderdən 6 xal geri qalmaqla 4-cü yeri tutur.

“Veles Sarsfild” bu gedişlə pley-offdan kənarda qalacaq. Argentinanın son çempionu öz meydanında “Sarmyento”dan xal ala bilmədi. Minimal hesabla uduzan Marselo Bravonun komandası 14-cü yerdə qaldı.

Son mövsümün gümüş mükafatçısı olan “Talyeres de Kordoba” “River Pleyt”dən xal almaqla B qrupunda 8-ci yerdən 10-a düşdü. Bürünc mükafatçı “Rasinq” də mövsümə zəif başlamışdı. Lakin ardıcıl iki qələbə avelyanedadıları A qrupunda 10-cü yerdən 7-yə yüksəltdi.

qrup mərhələsi, 13-cü tur
Belqrano - Boka Xuniors 1:3
Menossi, 61 – Roxo, 38. Senon, 62. K.Palasios, 76.

Nyuellz Old Boyz - Arxentinos Xuniors 0:0

Barrakas Sentral - Tiqre 1:0
Kandia, 16.

Sentral Kordoba - Atletiko Urakan 1:2
Eredia, 42-p. – Matsantti, 32. Milyeviç, 58-p.

İndependyente - San Martin San Xuan 2:0
Avalos, 69; 82.

Platense - Rosario Sentral 0:0
San Lorenso - Atletiko Tukuman 1:0
Vomberqar, 57.

River Pleyt - Talyeres de Kordoba 1:1
Borxa, 87 – Depyetri, 50.

Veles Sarsfild - Sarmyento 0:1
Frias, 71.

Aldosivi – Rasinq 0:2
A.Martines, 13-p. Solari, 35.

Banfild - İndependyente Rivadaviya 1:1
S.Lopes Qarsiya, 12 – Sartori, 84.

İnstituto - Deportivo Riestra 3:0
Lodiko, 48; 61. Randasso, 87-öz qapısına.

Ximnasiya - Estudiantes 1:1
L.Kastro, 33 – L.Ximenes, 90+3.

Defensa y Xustisiya - Union 0:0

Qodoy Krus - Lanus 0:0

A qrupu
1. Boka Xuniors 13 9 2 2 20-8 29
2. Atletiko Urakan 13 7 5 1 18-8 26
3. Arxentinos Xuniors 13 7 5 1 16-8 26
4. Tiqre 13 8 0 5 17-11 24
5. Estudiantes 13 5 5 3 18-13 20
6. Barrakas Sentral 13 5 5 3 17-14 20
7. Rasinq 13 6 1 6 22-15 19
8. Sentral Kordoba 13 5 3 5 19-16 18
9. İndependyente Rivadaviya 13 4 6 3 14-14 18
10. Defensa y Xustisiya 13 5 3 5 14-16 18
11. Nyuellz Old Boyz 13 4 3 6 9-13 15
12. Belqrano 13 3 5 5 11-21 14
13. Union 13 3 3 7 8-13 12
14. Banfild 13 2 4 7 9-15 10
15. Aldosivi 13 2 3 8 13-26 9

B qrupu
1. İndependyente 13 8 4 1 23-9 28
2. Rosario Sentral 13 7 5 1 17-8 26
3. San Lorenso 13 7 4 2 13-8 25
4. River Pleyt 13 5 7 1 12-7 22
5. Deportivo Riestra 13 4 7 2 10-7 19
6. Platense 13 4 5 4 10-9 17
7. Lanus 13 3 7 3 11-9 16
8. İnstituto 13 4 2 7 13-15 14
9. Qodoy Krus (-3) 13 2 8 3 7-14 14
10. Talyeres de Kordoba 13 2 7 4 9-10 13
11. Ximnasiya 13 3 4 6 8-14 13
12. Sarmyento 13 2 7 4 9-16 13
13. Atletiko Tukuman 13 3 1 9 14-20 10
14. Veles Sarsfild 13 2 2 9 4-18 8
15. San Martin San Xuan 13 1 3 9 4-14 6

Bombardirlər: A.Martines (Rasinq) - 9, Avalos (İndependyente) - 8, Vomberqar (San Lorenso) - 7, N.Fernandes (Belqrano) - 6.