Ötən həftəsonu bundesliqada 63-cü mövsüm start götürdü.

"Football-plus.az" xəbər verir ki, adəti üzrə açılış oyunu son çempionun meydanında keçirildi.

“Leyptsiq” son illərdə “Bavariya”ya kifayət qədər başağrı olmuşdu və bu matçda da ən azı intriqanın olacağı güman edilirdi. Özü də “öküzlər”in yeni çalışdırıcısı Ole Verner 2023/24-də “Verder”in başında “Alyants Arena”da qələbə qazanmışdı. Amma “rekordmayster” bütün proqnozları alt-üst edərək heç də zəif olmayan rəqibini “kötəklədi”! Olisenin dublu və Diasın gözəl qolu sayəsində ikinci hissəyə heç bir intriqa qalmadı. Fasilədən sonra isə qollardan heç vaxt doymayan Keyn səhnəyə çıxdı. Beləliklə, “Leyptsiq”i ilk dəfə 6:0 məğlub edən “Bavariya” mövsümə möhtəşəm qələbə ilə başladı.

Açılış oyunundakı məhsuldarlıq bazar gününün qarşılaşmalarına da sirayət etdi. 12 komandadan hər birinin ən azı 1 qol vurduğu ikinci oyun günündə sürpriz nəticələr qeydə alındı. “Mançester Yunayted”i batıran Erik ten Haq “Bayer-04”də 1-ci turdan “səviyyəsini” göstərməyə başladı. Leverkuzen təmsilçisi ötən mövsüm çətinliklə elitada yerini qoruyan “Hoffenhyaym”a uduzdu. Özü də evdə! Halbuki Xabi Alonsonun dönəmində “aspirinlər” belə rəqibləri asanlıqla məhv edirdi. “Bavariya”nın mövsümə parlaq şəkildə başlaması sanki rəqiblərə psixoloji cəhətdən təsir göstərdi. “Bayer-04”dən başqa Dortmund “Borussiya”sı da sürpriz şəkildə büdrədi. Halbuki “arılar” “Sankt Pauli” ilə səfər oyununda 85-ci dəqiqəyə 3:1 öndə daxil olmuşdular və 3 xal sanki komandanın “cibində idi”. Ancaq qısa müddət ərzində hər şey 180 dərəcə dəyişdi.

Bundesliqada ilk dəfə start heyətində meydana çıxan seneqallı müdafiəçi Filippo Mane həm penaltiyə səbəbkar olmaqla, həm də qırmızı vərəqə almaqla “Borussiya”ya qənim kəsildi. Meydan sahibləri 3 dəqiqəyə 2 qol vuraraq dramatik şəkildə məğlubiyyətdən qurtuldular. Turun daha bir sürprizi “Auqsburq”un səfərdə “Frayburq” üzərində asan qələbə qazanması oldu. “Union”un “Ştutqart”ı yendiyi qarşılaşmaya isə İlyas Ansa damğa vurdu. Yayda “Paderborn”dan transfer olunan 21 yaşlı forvard “Union”un heyətində bundesliqadakı debüt matçında dubl edən ilk futbolçu kimi klubun tarixinə düşdü. “Ayntraxt” Ekitike kimi qol silahını əldən verməsinə baxmayaraq, mövsümə “Verder”i darmadağın etməklə başladı. Frankfurtluların heyətində önə çıxan isim türkiyəli Can Uzun oldu. O, qarşılaşmanı 1 qol, 2 məhsuldar ötürmə ilə tamamladı və 19 yaş 285 günlüyündə “Ayntraxt”ın heyətində bir bundesliqa matçında 3 qolun vurulmasında yaxından iştirak edən ən gənc futbolçu oldu!

Mövsümə 3 xalla start verən daha bir komanda isə “Haydenhaym”ı asanlıqla yenən “Volfsburq” oldu.

1-ci tur
Bavariya – Leyptsiq 6:0
Olise, 27; 42. Dias, 32. Keyn, 64; 74; 78. (75000)
Bavariya: Noyer, Laymer (Boe, 69), Upamekano, Ta (Kim Min Ce, 68), Stanişiç, Kimmix, Qoretska (Pavloviç, 68), Qnabri (Karl, 69), Olise, Dias, Keyn (Kusi-Asare, 86).
Leyptsiq: Qulaçi, Baku, Orban, Lukeba, Raum, Zayvald (Uedraoqo, 88), Şlager (Banzuzi, 69), Diomande (Nusa, 46), Bakayoko (Baumqartner, 69), Simons, Openda (Romulo, 46).

Bayer-04 – Hoffenhaym 1:2
Kuansa, 6 – Asllani, 25. Lemperle, 52. (30000)
Bayer-04: Flekken, Artur (Poku, 46), Kuansa, Tapsoba, İnkapye, Qrimaldo, Qarsiya, Andrix, Maza (Eçeverri, 84), Tella (Kofane, 85), Şik.

Sankt Pauli – Borussiya D 3:3
Untonci, 50. Sinani, 86-p. Smit, 89 – Girassi, 34. Anton, 67. Brandt, 74. (29546)
Borussiya: Kobel, Kouto, Mane, Anton, Bensebayni, Svensson, Zabitser, Qross (Salih Özcan, 87), Bellingem (F.Nmeça, 46), Adeyemi (Brandt, 46), Girassi.

Ayntraxt F – Verder 4:1
Can Uzun, 22. Bahoya, 25; 47. Knauff, 70 – Njinma, 48. (59500)
Ayntraxt: Tsetterer, Kristensen, Kollins, Kox, Teate, Çaibi, Larsson (Höylunn, 83), Doan (Braun, 83), Can Uzun (Götse, 74), Bahoya (Knauff, 67), Burkardt (Vahi, 67).

Union – Ştutqart 2:1
Ansa, 18; 45+4 – Tomas, 86. (22012)
Ştutqart: Nübel, Vaqnoman (Fürix, 71), Jak, Şabo (Hendriks, 82), Mittelştadt, Ştiller, Karazor (Yovanoviç, 82), Levelinq, Dəniz Undav, Voltemade, Demiroviç (Tomas, 65).

Frayburq – Auqsburq 1:3
Qrifo, 58-p. – Yannulis, 32. Matsima, 42. Volf, 45+2. (33600)

Haydenhaym – Volfsburq 1:3
Skientsa, 29 – Skov Olsen, 20. Svanberq, 67. Amura, 87-p. (13000)

Maynts-05 – Köln 0:1
Bülter, 90.

Borussiya M – Hamburq 0:0
(54042)

Növbəti turun oyunları avqustun 29-31-i aralığında keçiriləcək: Hamburq – Sankt Pauli, Auqsburq – Bavariya, Leyptsiq – Haydenhaym, Hoffenhaym – Ayntraxt F, Ştutqart – Borussiya M, Verder – Bayer-04, Köln – Frayburq, Borussiya D – Union, Volfsburq – Maynts-05.

Turun rəqəmi
2 – birinci turu debütantların hər ikisi üçün uğurlu saymaq olar. “Hamburq” Münhenqladbaxda qol buraxmadısa, “Köln” Mayntsda minimal hesablı qələbə qazandı. Maraq üçün bildirək ki, bundesliqada debütantların 1-ci turda uduzmamasına sonuncu dəfə 2015-də, qol buraxmaması faktına isə 1991-də rast gəlinmişd!

Turun ulduzu
Harri Keyn (Bavariya) – mövsümün ilk rəsmi oyununda - superkubokda qol vuran və karyerasının 2-ci titulunu qazanan Keyn bundesliqada da mövsümə əla start verdi. İngiltərə yığmasının kapitanı “Leyptsiq”lə qarşılaşmanın son anlarında coşaraq 14 dəqiqəyə het-trik etdi! Maraqlıdı ki, Keyn bundesliqada 64-cü oyunda 8-ci het-trikini reallaşdırdı. Halbuki o, premyer-liqada eyni sayda het-triki 320 oyuna reallaşdırmışdı! Ümumilikdə onun hesabında bundesliqada 64 oyunda 65 qol vur. 2023/24 mövsümündən bəri “böyük beşlik”də ondan çox qol vuran futbolçu yoxdu.

Turun sitatı
Erik ten Haq, “Bayer-04”ün baş məşqçisi: