“Qarabağ” Budapeştdə qazandığı əzmkar qələbə sayəsində yerli futbol ictimaiyyətinə bayram yaşatdı. İndi Ağdam təmsilçisi cütün aşkar favoritidi.

Əlbəttə, belə ciddi uğur azərbaycanlı azarkeşlər tərəfindən sevinclə qarşılandı. Bəs “Ferentsvaroş” azarkeşləri məğlubiyyətə necə reaksiya verib?
“Football-plus.az” sizi həmin tərəfdarların klubun rəsmi səhifələrinin rəy bölmələrində yazdığı bəzi şərhlərlə tanış edir.

Kevin Röt: “İndiyə qədər hər şey gözəl idi. Çempion Liqası, gələn il görüşənədək”.
Tibor Vunderli: “Dünyanın heç bir yerində bizim qədər bədbəxt azarkeşlər yoxdu. Budapeştdə səviyyəli komandalarla oynamaq istəyirik, ancaq səviyyəsiz komandaya uduzuruq”.
Lazlo Solimosi: “Məncə, dağ çobanlarından 11 keçi almalıyıq”.
Pal Huber: “2022-ci ildə də “Qarabağ” 1:3 hesabıyla uduzduq, indi də. Məncə, 20 il başımızı qaldırmamalıyıq”.
Orsös Jozef: “Bütün müdafiəçilər göndərilməlidi!”
Lazlo Tot: “Utanmamalıyıq. “Qarabağ” bizdən daha yaxşı idi. Hər il 5-6 futbolçu dəyişməklə, təbii ki, uğur qazanmaq olmaz”.
Ksaba Naqi: “Səfərdə də uduzacağıq. “Qarabağ” çox yaxşı komandadı”.
Balaz Kul: “Özümüzü aldatmayaq. Bizdən qat-qat güclüdülər”.
Qabriler: “Robbi Kin, xarakterini sevirəm. Təslim olmursan, iddiandan əl çəkmirsən və istənilən halda cəsarətli danışa bilirsən. Ancaq futbolçuların sənin kimi deyil”.
Pal Boksik: “Bəli, ümid ən sonda ölür, ancaq güvənə biləcəyimiz heç kim yoxdu”.
Jozef Sabo: “Robbi Kin intiqam alacağını deyir. Futbolçular “Qarabağ”ın futbolçularına ilişir. Əziz “Ferentsvaroş”, sən içkilisən?”

KƏNAN BAHADIR