Amerika Açıq Tennis Çempionatının təşkilatçıları turnirə uayld-kart (güzəştli kart) ilə qatılacaq iştirakçıların siyahısını açıqlayıb.

"Football-plus.az" xəbər verir ki, qadınlar arasında bu imtiyaza Vinus Uilyams, Klervi Nqunu, Cülyetta Parexa, Keti Maknelli, Valeri Qlozman, Alissa An (hamısı ABŞ), Karolin Qarsiya (Fransa) və Taliya Gibson (Avstraliya) yiyələnib. Kişilərdən isə Brendon Holt, Nişeş Basavereddi, Tristan Boyer, Emilio Nava, Stefan Dostaniç, Darvin Blanç (hamısı ABŞ), Valentin Royer (Fransa) və Tristan Skulkeyt (Avstraliya) güzəşt əsasında oynayacaq.

“US Open” 24 avqust – 7 sentyabr aralığında Nyu-Yorkda keçiriləcək.