Hər oyun üçün 1,36 milyon dollar qazanıb!

Milli Basketbol Assosiasiyasında (MBA) çıxış edən hücumçu Ben Simmons son dörd mövsümdə cəmi 108 oyunda iştirak edib.

"Football-plus.az" xəbər verir ki, avstraliyalı basketbolçu bu müddət ərzində ümumilikdə 147,5 milyon dollar qazanıb. Beləliklə, o, son dörd mövsümdə hər oyun üçün orta hesabla 1,36 milyon dollar əldə edib.

2021/22: heç bir oyunda iştirak etməyib, lakin 34 milyon dollar qazanıb.
2022/23: 42 oyunda iştirak edib, 35,4 milyon dollar qazanıb.
2023/24: 15 oyunda iştirak edib, 37,8 milyon dollar qazanıb.
2024/25: 51 oyunda iştirak edib, 40,3 milyon dollar qazanıb.

Qeyd edək ki, Ben Simmons "Filadelfiya" (2016-22), "Bruklin" (2022-25) və "Los Anceles" (2025) komandalarında çıxış edib.

O, 2018-ci ildə "İlin ən yaxşı yeni oyunçusu" mükafatını qazanıb və üç dəfə MBA-nın ilin ən yaxşı oyunçularından ibarət rəmzi yığmasına seçilib. Həmçinin 2020 və 2021-ci illərdə ən yaxşı müdafiəçilərin siyahısında yer alıb.