Səudiyyə Ərəbistanının “Əl-Nəssr” klubunun portuqaliyalı hücumçusu Kriştiano Ronaldo 2024-cü ildə ən yüksək ödənişli idmançıların siyahısına başçılıq edir.

"Football-plus.az" xəbər verir ki, bu sıralamanı “Sportico” tərtib edib. Adı çəkilən qaynağın hesablamasına görə, Ronaldo ötən il 260 milyon dollar qazanıb.

Reytinqdə 2-ci yeri basketbolçu Stefen Karri (153,8 milyon dollar), 3-cü yeri isə boksçu Tayson Füri (147 milyon dollar) tutub. Sıralamada ilk “10-luq”da 5 futbolçu, 2 basketbolçu, 2 boksçu və 1 qolfçu yer alıb.

Maraqlıdı ki, ötən il üçün ən yüksək ödənişli idmançıların nəinki ilk “10-luğ”unda, hətta ilk “100-lüy”ündə belə heç bir qadın yoxdu.

1. Kriştiano Ronaldo (futbol) - 260 milyon dollar
2. Stefen Karri (basketbol) - 153,8 milyon dollar
3. Tayson Füri (boks) - 147 milyon dollar
4. Lionel Messi (futbol) – 135 milyon dollar
5. Lebron Ceyms (basketbol) - 133,2 milyon dollar
6. Neymar (futbol) - 133 milyon dollar
7. Aleksandr Usik (boks) – 122 milyon dollar
8. Kərim Benzema (futbol) – 116 milyon dollar
9. Kilian Mbappe (futbol) – 110 milyon dollar
10. Con Ram (qolf) - 105,8 milyon dollar