Dünyaca məşhur “Forbes” nəşri milyarderlərin 2024-cü il üçün yenilənmiş siyahısını açıqlayıb.

“Football-plus.az” xəbər verir ki, məhz bu siyahı sayəsində MBA əfsanələrindən Maykl Cordan, Lebron Ceyms və Mecik Consonun sərvətindən xəbər tutmaq mümkündü. Bu “üçlük” MBA-nın məlum siyahıya düşən təmsilçiləridi.

Cordanın sərvəti 3,2 milyard dollar həcmində dəyərləndirilir. O, ötən il “Şarlott”u səhmdarlar qrupuna 3 milyard dollara satıb. Cordan MBA karyerası boyunca 90 milyon, həmçinin sponsorlardan 2,4 milyard dollar qazanıb. Conson MBA karyerası boyunca 39,3 milyon dollar qazanıb. Onun sərvətinin əsas hissəsini həyat sığortası üzrə ixtisaslaşan “Equitrust” şirkətindəki 60 faizlik payı təşkil edir. Consonun şirkətə gəldiyi 2015-ci ildən bəri şirkətin aktivləri 16 milyard dollardan 26 milyard dollara çatıb. Mecikin sərvəti 1,2 milyard dollar həcmində dəyərləndirilir. Elə Ceymsin sərvəti də bu qədərdi. MBA karyerasında 480 milyon dollar qazanan Lebron 2022-ci ildə “milyarderlər klubu”na daxil olub. Basketbolçu sponsorluq sövdələşmələrindən 900 milyon dollar qazanıb. Ünlü forvard 2021-ci ildə prodüser şirkətindəki payını 725 milyona satıb.