"Neftçi" yenidən "Şamaxı"nın sabiq futbolçusuyla danışıqlara başlayıb. Söhbət Leroy Mikelsdən gedir.

"Football-plus.az"ın əldə etdiyi məlumata görə, "ağ-qaralar" bir neçə həftə əvvəl transfer etmək istəsə də, ortaq məxrəcə gələ bilmədiyi hücumçuyla növbəti dəfə təmasa keçib. Buna paytaxt təmsilçisinin digər namizədlərlə danışıqlarının uğursuz nəticələnməsi səbəb olub. "Neftçi" almaniyalı üçün bu dəfə daha sərfəli şərtlər irəli sürüb.

Xatırladaq ki, Mikels 2024/25 mövsümündə "şirlər"in şərəfini qoruyub. Futbolçu bu komandada kapitan sarğısını daşımaqla yanaşı, meydana çıxdığı 24 matçda 5 qol, 4 məshuldar ötürmə müəllifi olub.

Maraq üçün qeyd edək ki, "Şamaxı"ya gələndə "transfermarkt"da 175 min avro dəyərində olan hücumçunun bugünkü dəyəri 600 min avrodu.

KƏNAN BAHADIR