Leroy Mikels “Neftçi”nin oyununda nə gəzirdi?
17-ci turun “Neftçi - “Kəpəz” oyununu (2:1) izləyənlər arasında “Şamaxı”nın almaniyalı hücumçusu Leroy Mikels də var idi.
Leroy Mikels, sadəcə, təsadüfi azarkeş idi, yoxsa maraqlı tərəf? Axı belə fikirlər var ki, o, qış fasiləsində “Neftçi”yə keçəcək. Oyunu izləməsini belə xəbərlərin doğrulacağının sübutu kimi qəbul etmək olarmı?
“Football-plus.az” bu sualı “Neftçi”nin mətbuat xidmətinin rəhbəri Asəf Zeynallıya ünvanlayıb:
“Bizdə belə bir məlumat yoxdu. Leroy Mikelsin özü, yaxud məxsus olduğu klubun mətbuat xidməti ilə dəqiqləşdirsəz daha doğru olar”.
Qeyd edək ki, “Şamaxı” 29 yaşlı futbolçu ilə birillik müqavilə bağlayıb.
ƏSƏD SEYİDOV
Digər xəbərlər
