"Qarabağ"ın yay "transfer pəncərəsi"ndə heyətinə qatmaq istədiyi futbolçulardan birinin adına aydınlıq gəlib. "Football-plus.az"a daxil olan məlumata görə, söhbət Aleksandru Balutadan gedir.

Maraq üçün qeyd edək ki, adi çəkilən oyunçu Rumıniya millisinin sabiq üzvüdü. O, karyerası ərzində "Tarqovista", "Vitorul", "Universitatya Krayova" (hamısı Rumıniya), "Slovan", "Slaviya" (hər ikisi Çexiya), "Puşkaş Akademiyası" (Macarıstan) kimi komandaların şərəfini qoruyub. Ötən ilin yayında FCSB (əvvəlki “Styaua”) ilə 2 il müddətinə müqavilə imzalayıb. 2023/24 mövsümündə bu komandanın heyətində 34 matçda şans qazanan Aleksandru 7 qol, 7 məhsuldar ötürmənin müəllifi olub.

"Qarabağ" artıq 30 yaşlı hücumçuyla danışıqlara başlayıb. Baluta xəbəri Rumıniya mətbuatına təsdiqləyib.

KƏNAN BAHADIR