"Sabah" iyulun 10-da Avropa Liqasının 1-ci təsnifat mərhələsində "Selye"ni qəbul edəcək.

"Football-plus.az" xəbər verir ki, "bayquşlar"ın baş məşqçisi Valdas Dambrauskas oyunöncəsi mətbuat konfransında jurnalistlərin suallarını cavabladı.

- Hər birinizi salamlayıram. Çox şadam ki, oyunöncəsi mətbuat konfransında bu qədər media nümayəndəsi var. Əlbəttə, bu cür oyunlar futbol ictimaiyyəti üçün çox önəmlidi. Böyük həyəcanla matçı gözləyirik. "Selye"nin böyük təcrübəsi var. Ötən mövsüm sürpriz nəticələr qazanıb. Bu cür güclü rəqiblərə qarşı oynadıqca daha da inkişaf edirsən. Rəqibin gücünə bələdik. Əlimizdən gələni edəcəyik. Bizi dəstəkləyənləri stadiona çağırıram. Söz verirəm ki, 1-ci mərhələ üçün yaxşı nəticə qazanmağa çalışacağıq.

- Azərbaycana gəlişiniz necə baş tutdu? "Sabah"dan təklif alanda necə reaksiya verdiz?
- Bəzən belə hallarda çox tez qərar verirsən. "Sabah"dan təklif alansa başqa klubla müqaviləm var idi. Bu komandanın iddiası məni özünə cəlb etdi. 8 ildi yaranmasına baxmayaraq, kubok qazanıb, xeyli uğurlar əldə edib. İnanıram ki, "Selye" ilə matçda növbəti uğuru qazanacağıq.

- "Sabah" Sloveniya komandasını nəyin hesabına keçə bilər?
- Bu cür oyunlarda xırda detallar çox şeyi gəll edir. Biz rəqibi analiz etmişik. Ancaq komanda haqda məlumatımız azdı. "Selye" 5-6 futbolçusuyla yollarını ayırıb. Cəmi bir yoxlama matçı keçirib. İstər Avstriyada, istərsə də burdakı məşqlərdə futbolçularımın istəkli olduğunu gördüm. Belə davam etsək, növbəti mərhələyə adlaya bilərik.

- Bakı sizin üçün düşərlidimi? Nəzərə alaq ki, Cənubi Kiprin "Omoniya" komandasında çalışarkən burda "Zirə"ni mübarizədən kənarlaşdırmışdız. "Sabah"ın potensialını necə dəyərləndirirsiz?
- "Sabah" müasir hücum futbolunu sevir. Mənim də oyun üslubum budu. İstəyirəm ki, komandam ardıcıl qollar vursun.

- "Sabah"ın basketbol komandasının baş məşqçisi Rimas Kurtinaytis də litvalıdı. Bura gəlməyiniz də onun da rolu varmı?
- Xeyr. "Sabah" rəhbərliyini tanıyırdım. Başqa adamların müdaxiləsinə ehtiyac yox idi.

- Həyəcanlı və səbrsiz olduğunuzu dediz. Bu, komandaya mənfi təsir edə bilərmi?
- Mənfi təsir edəcəyini düşünmürəm. Komanda yetərincə istəklidi. "Selye"ni keçəcəyimizə inanırıq. Yenə deyirəm, bunun üçün əlimizdən gələni edəcəyik.

- Hücum futbolunu sevdiyinizi dediz. Avstriyada 5 qol vuruldusa, 5 qol buraxıldı. Bu, müdafiə xəttindəki səhvlərdən xəbər verirmi?
- Yoxlama oyunlarında güclü rəqiblərlə qarşılaşmağa üstünlük verirəm. Belədə səhvlərimiz daha aydın görünür. Yoxlama oyunlarında qalib gəlsək, hansı zəif cəhətlərdən bəhs etmək olar? Futbolçularım özünü xoşbəxt hiss edir. Stadiona gələn azarkeşlərimiz bizdən qollar gözləsin. Düzdü, məşq prosesi qısa oldu. Lakin kollektivimə inanıram.

- "Sabah"ın heyəti iddialı olsa da, ötən mövsüm premyer-liqasa gözləntiləri doğrultmadı. "Futbol ili"ni 5-ci pillədə tamamladı...
- Hər şeyin fərqindəyik. Bilirik ki, ötən mövsüm çempionla - "Qarabağ"la aradakı xal fərqi 41 olub. İlk iki həftə ərzində komandada çox yaxşı şeylər gördüm. Futbolçularıma deyirəm ki, səhv etməkdən qorxmasınlar. Buna görə onları danlamayacam. Oyunçular arasındakı əlaqələr də çox önəmlidi. Bütün komponentləri birləşdirmək lazımdı. Komandanı oyundan-oyuna yaxşılaşdırmaq niyyətindəyəm.

- Maraqlıdı, millimizin də üzvü olan qapıçı Yusif İmanov da nə gördüz ki, həm təlim-məşq toplanışına aparmadız, həm də avrokubokların iştirak ərizəsinə salmadız?
- Bu qərar məndən əvvəl verilib. Bu barədə nəsə deyə bilmərəm.

KƏNAN BAHADIR