“Selye” çox yaxşı komandadı. “Sabah” üçün asan rəqib deyil. Ötən mövsüm Konfrans Liqasında 1/4 finala qədər irəlilədilər və bu mərhələdə “Fiorentina”ya güclü müqavimət göstərdilər. Ən böyük üstünlükləri baş məşqçi Albert Rieradı. Onu hamımız futbolçu kimi çox yaxşı tanıyırıq. Ancaq baş məşqçi kimi də uğurları var. “Selye” də “Sabah” kimi klub olaraq inkişaf edir. Futbolçu sata bilirlər. Bir neçə il əvvəl gələn rəhbərlik pozitiv işlər görüb. Uşaq futbolu sahəsində effektiv çalışırlar. Bu baxımdan “Sabah”a çox oxşayırlar. Gələcəyə yatırım edirlər. Əsas komandaya gəlincə, düzü, oyunlarını çox izləməmişəm. Heyətdə Sloveniya millisinin futbolçularıyla yanaşı? maraqlı legionerlər çıxış edir. O bəllidi ki, hər iki komanda üçün asan olmayacaq. Riera hücumameyilli futbol oynadır. “Selye” müasir futbolun tələblərinə tam cavab verən komandadı. Hər halda, “Sabah” hələ baş məşqçi təyin etməyib. Təyinat olsa, daha dəqiq proqnoz vermək olar”.