“Zirə”nin Konfrans Liqasının 2-ci təsnifat mərhələsindəki rəqibi “Hayduk” yeni futbolçu transfer etmək istəyir.

“Football-plus.az” “sportsport.ba” saytına istinadla xəbər verir ki, Xorvatiya təmsilçisi “Sarayevo”nun (Bosniya və Hersoqovina) şərəfini qoruyan Amar Beqanoviçi hədəfə alıb.

Maraq üçün qeyd edək ki, adı çəkilən oyunçu ötən mövsüm “Sarayevo”nun heyətində keçirdiyi 38 matçda 4 məhsuldar ötürmə ilə yadda qalıb. Onun “Transfermarkt”dakı qiyməti 500 min arvodu, indiki klubuyla müqaviləsinin müddəti gələn ilin yayında başa çatacaq. Deməli, “dəniz ustaları” 25 yaşlı sol cinah müdafiəçisinin keçidini reallaşdırmaq üçün xərcə düşməlidi.

Bosniyalı həmkarlarımız Beqanoviçlə Türkiyənin 1-ci liqa klublarından birinin də maraqlandığını bildirib.

KƏNAN BAHADIR