“Zirə”nin Konfrans Liqasının 2-ci təsnifat mərhələsindəki rəqibi “Hayduk”du.

“Football-plus.az” “qartallar”ın qarşılaşacağı Xorvatiya təmsilçisi haqda ətraflı məlumatı təqdim edir.

Split klubunun əsası 1911-ci ildə qoyulub. 8 qat Yuqoslaviya, 8 qat Xorvatiya çempionu olan komanda 9 dəfə Yuqoslaviya, 8 dəfə Xorvatiya kubokunu başı üzərində qaldırıb. Komanda həm də 5 dəfə Xorvatiya superkubokunun qalibi olub, “dəniz ustaları” ləqəbiylə də tanınır.

“Hayduk” heç vaxt yüksək liqadan düşməyib. İndiyə qədər üç dəfə Çempionlar Liqasının (1976, 1980, 1995), bir dəfə Avropa Liqasının (1986) 1/4 finalında, bir dəfə isə bu turnirin yarımfinalında (1984) çıxış edib. Qısası, Split təmsilçisi 21-ci əsrdə avrokuboklarda ciddi uğur qazanmayıb.
“Dəniz ustaları” böyük azarkeş kütləsinə malikdi. Komandanın ən böyük fanklubu “Torcida”nın 16 mindən çox üzvü var. Tərəfdarlar klubu “Hayduk” sonsuza qədər yaşayacaq” şüarıyla dəstəkləyir.

Komandanın ev oyunlarını keçirdiyi “Poljud” stadionu 35 min yerlikdi.

“Hayduk”un baş məşqçisi Qonsalo Qarsiyadı. İspaniyalı mütəxəssislə bu ayın 1-də müqavilə imzalanıb. 41 yaşlı çalışdırıcının sərəncamında olan 28 futbolçudan 4-ü milli üzvü, 11-i legionerdi. “Transfermarkt”da klubun dəyəri 43,6 milyon avrodu.

Xatırladaq ki, “Zirə” “Hayduk”la iyulun 24-də evdə, 31-də səfərdə qarşılaşacaq.

KƏNAN BAHADIR