Son günlər yayılan diqqətçəkən transfer xəbərlərindən biri də “Qarabağ”ın futbolçusu Toral Bayramovla bağlıdı.

Həmkarlarımızın iddiasına inansaq, 24 yaşlı müdafiəçi “köhlən atlar”ı tərk etməyə yaxındı. Ona görə ki, hazırda Belçika və Polşa klublarından gələn təklifləri dəyərləndirməklə məşğuldu.

Düzdü, Qarabağ”ın mətbuat xidmətinin rəhbəri Anar Hacıyev “Football-plus.az”a açıqlamasında kluba Toralla bağlı həmin ölkələrdən rəsmi təklif gəlmədiyini bildirdi. Ancaq klubların birbaşa oyunçunun özüylə əlaqə yaratmaq ehtimalını istisna etmək olmaz.

Onsuz da Bayramovun legioner həyatı yaşamaq vaxtı yetişib. Biz hələ fevralda bunun mümkün olduğunu, gənc futbolçunun ölkəmizi başqa liqalarda layiqincə təmsil edəcəyinə inandığımızı bildirmişdik. Təbii ki, real təklif varsa...

KƏNAN BAHADIR