“Bəli, Rövşənlə danışıqlar gedir” – Mahmud Sadıqov təsdiqlədi
Bir müddət əvvəl “Astana”dan ayrılan futzal yığmamızın qapıçısı Rövşən Hüseynli “Araz-Naxçıvan”la yanaşı, başqa ölkələrdən olan klublarla da danışıq apardığını deyib.
“Football-plus.az” Naxçıvan təmsilçisinin vitse-prezidenti Mahmud Sadıqovla əlaqə saxlayıb, Rövşənlə anlaşma yolunda hansısa problemin olub-olmadığını soruşub:
“Hər şey çox yaxşıdı, Çempionlar Liqası üçün heyət qururuq. Bəli, Rövşənlə danışıqlar gedir. Nəticə, yəqin ki, həftəsonu bəlli olacaq. Anlaşmaq yolunda hansısa problem görmürəm. Sadəcə, çox kiçik detallar qalıb. Bir dəfə görüşmük, həftənin sonunda bir də görüşüb, çox güman, hər şeyi həll edəcəyik. Nə xəbər olsa, məlumat verəcəyik”.
MÜZƏFFƏR QULUZADƏ
Digər xəbərlər
